29.06.2026 | 21:58
Վրաստանն ու Ղազախստանը ռազմավարական գործընկերության մասին հռչակագիր են ստորագրել
Հայտնի է՝ որ բաժնից է Մալաթիա-Սեբաստիայի թաղապետարանի՝ կալանավորված աշխատակիցը
Հասարակություն
26.12.2025 | 14:11
Factor TV-ի տեղեկություններով՝ Մալաթիա-Սեբաստիա վարչական շրջանի ղեկավարի աշխատակազմից կաշառք ստանալու մեղադրանքով ձերբակալված, ապա երկու ամսով կալանավորվածը քաղաքաշինության բաժնի աշխատակից է։
Հակակոռուպցիոն կոմիտեից երեկ երեկոյան հայտնեցին, որ իրենց մոտ քննվող քրեական վարույթի շրջանակում կաշառք ստանալու մեղադրանքով ձերբակալվել, ապա կալանավորվել է թաղապետարանի մեկ աշխատակից։ Թե ինչ վարույթի մասին է խոսքը՝ իրավապահ կառույցը չէր մանրամասնել։
«Նույն քրեական վարույթի շրջանակում քրեական հետապնդումներ են հարուցվել ևս երկու անձի նկատմամբ՝ կաշառք ստանալու և կաշառք տալու համար»,- փոխանցեցին կոմիտեից։
Հիշեցնենք, որ 2023 թվականին աղմկահարույց ձերբակալություն էր տեղի ունեցել Մալաթիա-Սեբաստիա վարչական շրջանի ղեկավարի աշխատակազմում։ Ֆինանսական խոշոր յուրացումների կասկածանքով բերման էին ենթարկվել ՔՊ-ական նախկին թաղապետ Արման Բարխուդարյանը, որը դեպքից շուրջ մեկ ամիս առաջ էր դադարեցրել աշխատանքը, կոմունալ բաժնի պետը, առևտրի բաժնի պետն ու այլ աշխատակիցներ։
Արփի Հակոբյան
