09.06.2026 | 00:17
Մարկո Ռուբիոն շնորհավորել է Փաշինյանին
Կորյուն Նահապետյանն առաջարկում է ԱԱԾ-ի բյուջեն քննարկել դռնփակ նիստում․ կա անվտանգության խնդիր․ ՏԵՍԱՆՅՈՒԹ
Քաղաքականություն
06.11.2018 | 14:24
Ազգային անվտանգության ծառայության տնօրենի տեղակալ Արամ Հակոբյանն այսօր խորհրդարանում ներկայացրեց 2019 թվականի բյուջեով ծառայությանը հատկացված նախահաշիվը, ըստ որի՝ ծառայությանն այս տարվա բյուջով նախատեսվում է հատկացնել 22 մլրդ 580 մլն դրամ, որը 2018 թվականի համեմատ ավել է 2 մլրդ, 207 մլն դրամով։
Ծառայության տնօրենի տեղակալը շեշտեց, որ նախատեսված գումարի գերակշիռ մասը՝ 83 տոկոսը, նախատեսվում է աշխատողների աշխատավարձերի և պարգևատրումների համար։
«Առանձին ծրագրերով նախատեսվել է նաև զինծառայողների, նրանց ընտանիքների, կենսաթոշակառուների համար հատկացնել 22 մլն դրամ»,-ասաց Հակոբյանը։
Ազգային ժողովի ՀՀԿ-ական պատգամավոր Կորյուն Նահապետյանը նշեց, որ դռնբաց նիստում ներկայացվում է ԱԱԾ-ի ամբողջ բյուջեն և առաջարկում է, որ բյուջեն կազմելիս առանձնացվի երկու տարբեր՝ փակ և բաց մասեր՝ ելնելով պետական գաղտնիքի մասին ՀՀ օրենքի պահանջներից։
Մանրամասները՝ տեսանյութում։
