07.03.2026 | 13:02
«Տենանք` կարո՞ւմ ենք մի բան անենք». Փաշինյանը Թալինում քաղաքացիների բնակարաններ է մտնում. ՏԵՍԱՆՅՈՒԹ
Բաքուն հայտնել է, թե ինչ է ակնկալում Մոսկվայից ադրբեջանական օդանավի վթարից հետո
Քաղաքականություն
25.12.2025 | 15:29
Բաքուն սպասում է «Ադրբեջանական ավիաուղիներ» (AZAL) ընկերության Embraer 190 օդանավի կործանման հետաքննության ավարտին և ակնկալում է փոխհատուցման շուտափույթ վճարում։ Lenta.ru-ին այս մասին ասել է Ռուսաստանում Ադրբեջանի դեսպան Ռահման Մուստաֆաևը, գրում են ադրբեջանական լրատվամիջոցները։
Նա նաև հույս է հայտնել, որ ողբերգության համար մեղավորները պատասխանատվության կենթարկվեն։
«Դուշանբեում հոկտեմբերի 9-ին արված հայտարարությունները և ձեռք բերված պայմանավորվածությունները կարևոր քայլ են այս ուղղությամբ»,- նշել է դիվանագետը։
Մուստաֆաևը հավելել է, որ Մոսկվա-Բաքու հարաբերություններում այսօր հիմնարար խնդիրն ավիավթարի հետ կապված հարցերի արագ և արդարացի լուծումն է։
Հիշեցնենք, որ «Ադրբեջանական ավիաուղիներ» (AZAL) ընկերության փոխնախագահ Իլհամ Ամիրովը հայտարարել էր, որ Ղազախստանի Ակտաու քաղաքի մերձակայքում օդանավի կործանման հետ կապված այդ երկրում հանձնաժողով է ստեղծվել, հետաքննությունը դեռևս շարունակվում է: Վերջնական զեկույցը դեռևս պատրաստ չէ։
Թարգմանությունը՝ Էմմա Չոբանյանի
