23.01.2026 | 18:19
Վարչապետի գլխավորությամբ քննարկվել են հարկային քաղաքականության հետագա բարելավմանը վերաբերող հարցեր
Հաբեթնակ Կուրղինյանը գոհ է ազատ ոճի ըմբշամարտի Հայաստանի առաջնությունից
25.12.2025 | 11:30
Ազատ ոճի ըմբշամարտի Հայաստանի հավաքականի գլխավոր մարզիչ Հաբեթնակ Կուրղինյանը մեկնաբանել է Չարենցավանում կայացած Հայաստանի առաջնության արդյունքները։
«Ավարտված առաջնությունից հետո կկազմավորվի նոր հավաքական: Ընդհանուր առմամբ, առաջնությունից գոհ եմ: Մասնակիցների քանակի քչությունը կար նաև մեկ ամիս առաջ և մեկ տարի առաջ: Այս իրավիճակի միակ լուծումը զինվորական ծառայության ու տարկետման հետ կապված հարցի լուծումն է, քանի որ մարզիկներից շատ քչերն են կարողանում կայանալ մինչև 17-18 տարեկանը»,- մարզիչի խոսքը մեջբերում է «Արմենպրեսը»։
Հիշեցնենք, որ Հայաստանի չեմպիոնի կոչումը նվաճել էին Մավել Խնձրցյանը (57 կգ), Մեժլում Մեժլումյանը (61 կգ), Արման Մուսիկյանը (65 կգ), Վազգեն Թևանյանը (70 կգ), Նարեկ Հարությունյանը (74 կգ), Հրայր Ալիխանյանը (79 կգ), Ռազմիկ Եփրեմյանը (86 կգ), Կնյազ Իբոյանը (92 կգ), Գուրգեն Սիմոնյանը (97 կգ) և Խաչատուր Խաչատրյանը (125 կգ): Առաջնությանը մասնակցել է 74 ըմբիշ։
