30.10.2026 | 17:26
«Խաղաղության համաձայնագրի ստորագրման համար կարևոր է, որ ՀՀ-ն անհրաժեշտ քաղաքական և իրավական քայլեր ձեռնարկի»․ Բայրամով
Քննարկվել են Հայաստանում ԱԲ տվյալների կենտրոնների զարգացման հնարավորությունները
Քաղաքականություն
24.12.2025 | 23:25
Դեկտեմբերի 24-ին ՀՀ բարձր տեխնոլոգիական արդյունաբերության նախարար Մխիթար Հայրապետյանը հանդիպել է Eleveight AI ընկերության հիմնադիր և գլխավոր գործադիր տնօրեն Արման Ալեքսանյանի հետ։ Հանդիպմանը մասնակցել են նաև նախարարության ղեկավար կազմի ներկայացուցիչներ և ընկերության բիզնեսի զարգացման տնօրենը։
ԲՏԱ նախարարության փոխանցմամբ՝ քննարկվել են Հայաստանում արհեստական բանականության ոլորտում իրականացվող և նախատեսվող ծրագրերը, բարձր արտադրողականությամբ հաշվարկային ենթակառուցվածքների զարգացումը և ԱԲ տվյալների կենտրոնների ձևավորման հեռանկարները։ Նախարար Հայրապետյանը ներկայացրել է ոլորտի պետական առաջնահերթությունները՝ ընդգծելով սուվերեն հաշվարկային հզորությունների և տեղական ԱԲ ենթակառուցվածքների զարգացման կարևորությունը։
Արման Ալեքսանյանը կարևորել է Հայաստանում նոր սերնդի ԱԲ տվյալների մշակման կենտրոնի ստեղծումը՝ նշելով, որ նախագիծը հնարավոր է դարձել ԱՄՆ-ի կողմից տրամադրված գրաֆիկական պրոցեսորների արտահանման արտոնագրի շնորհիվ։
Կողմերը քննարկել են նաև AI-as-a-Service, GPU-as-a-Service և ամպային ծառայությունների զարգացման հնարավորությունները և ընդգծել են համագործակցության շարունակականության կարևորությունը։
