24.12.2025 | 14:44
Ռուսական զորքերը հարվածել են Զապորոժիեին. կան վիրավորներ, վնասել են բնակելիներ
Երկրպագուները «Կրասնոդարի» լավագույն ֆուտբոլիստ են ճանաչել Էդուարդ Սպերցյանին
24.12.2025 | 13:21
Հայաստանի ազգային հավաքականի ավագ Էդուարդ Սպերցյանը ճանաչվել է Ռուսաստանի չեմպիոն «Կրասնոդարի» լավագույն ֆուտբոլիստ 2025/26 մրցաշրջանի առաջին հատվածում, հաղորդում է ակումբի պաշտոնական կայքը։
Երկրպագուների շրջանում անցկացված քվեարկության արդյունքում 25-ամյա կիսապաշտպանը ստացել է ձայների 43,67 տոկոսը։
Երկրորդ տեղը գրավել է կոլումբացի հարձակվող Ջոն Կորդոբան (21,76 տոկոս), լավագույն եռյակը եզրափակել է ռուս դարպասապահ Ստանիսլավ Ագակցևը (9,7 տոկոս)։ Քվեարկությանը մասնակցել է 1351 մարդ։
Ընթացիկ մրցաշրջանում Էդուարդ Սպերցյանը «Կրասնոդարի» կազմում մասնակցել է 24 հանդիպման, խփել է 9 գոլ ու կատարել 12 ասիստ։ Ռուսաստանի Պրեմիեր լիգայի 18-րդ տուրից հետո «Կրասնոդարը» 40 միավորով գլխավորում է մրցաշարային աղյուսակը։
