18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Հենրիխ Մխիթարյանի տրանսֆերային արժեքը նվազել է
24.12.2025 | 12:24
Transfermarkt-ը թարմացրել է Իտալիայի Ա սերիայում խաղացող ֆուտբոլիստների տրանսֆերային արժեքները։
Հայաստանի ազգային հավաքականի նախկին ավագ, «Ինտերի» կիսապաշտպան Հենրիխ Մխիթարյանի տրանսֆերային գինը կազմում է 3,5 միլիոն եվրո։ 36-ամյա ֆուտբոլիստի տրանսֆերային արժեքը նվազել է 500 հազար եվրոյով։
Հայաստանի հավաքականի պատմության լավագույն ռմբարկուի կարիերայի ամենաբարձր տրանսֆերային գինը եղել է 2016 թվականին՝ կազմելով 37 միլիոն եվրո։
Ա սերիայի ամենաթանկ ֆուտբոլիստների տասնյակը գլխավորում է «Ինտերի» արգենտինացի հարձակվող Լաուտարո Մարտինեսը, որի տրանսֆերային գինը գնահատվում է 85 միլիոն եվրո։
Այս մրցաշրջանում Հենրիխ Մխիթարյանն «Ինտերի» կազմում անցկացրել է 13 հանդիպում ու կատարել 1 գոլային փոխանցում։
Իտալիայի Ա Սերիայի ամենաթանկ ֆուտբոլիստները՝ ըստ Transfermarkt-ի
- Լաուտարո Մարտինես («Ինտեր», Արգենտինա)՝ 85 միլիոն եվրո
- Ալեսանդրո Բաստոնի («Ինտեր», Իտալիա)՝ 80 միլիոն եվրո
- Քենան Յիլդիզ («Յուվենտուս», Թուքրիա)՝ 75 միլիոն եվրո
- Ռաֆայել Լեաու («Միլան», Պորտուգալիա)՝ 70 միլիոն եվրո
- Նիկո Պաս («Կոմո», Իսպանիա)՝ 65 միլիոն եվրո
- Կրիստիան Պուլիշիչ («Միլան», ԱՄՆ)՝ 60 միլիոն եվրո
- Նիկոլո Բարելա («Ինտեր», Իտալիա)՝ 60 միլիոն եվրո
- Մարկուս Թյուրամ («Ինտեր», Ֆրանսիա)՝ 60 միլիոն եվրո
- Մանու Կոնե («Ռոմա», Ֆրանսիա)՝ 50 միլիոն եվրո
- Ֆեդերիկո Դիմարկո («Ինտեր», Իտալիա)՝ 50 միլիոն եվրո
