30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Հունիսի 7-ը․ ԿԸՀ նախագահը` խորհրդարանական ընտրությունների հավանական օրվա մասին․ ՏԵՍԱՆՅՈՒԹ
Քաղաքականություն
24.12.2025 | 12:18
Կենտրոնական ընտրական հանձնաժողովի նախագահ Վահագն Հովակիմյանը հայտնել է առաջիկա խորհրդարանական ընտրությունների հավանական օրը:
«Ընտրությունների օրը նշանակում է նախագահը: Նախագահի հրամանագիրը դեռևս չի եղել: Բայց բոլորը ընտրությունների օրը արձանագրել են՝ հունիսի 7-ը: Ինչով է դա պայմանավորված. Սահմանադրության համաձայն՝ ընտրությունները պետք է տեղի ունենան հունիսի 2-ից 12-ն ընկած շրջանում։ Իմ նշած ժամանակահատվածում միակ կիրակին հունիսի 7-ն է։
Նախագահի լիազորությունն է այդ տասնօրյա ժամկետում նշանակել ընտրության օրը»,- ասել է նա:
Ըստ նրա՝ եթե նախագահը որոշի այլ օր նշանակել, ապա կառաջանա շղթայական իրավակարգավորումների անհրաժեշտություն, մասնավորապես՝ այդ օրը ոչ աշխատանքային հայտարարելու հարցում:
«Այս ընտրություններին, կարող եմ ձեզ արդեն իսկ տեղյակ պահել, որ մոնիթորինգի և վերահսկողության մի շարք գործիքներ ենք մենք կիրառելու։ Քարոզարշավի և ընդհանրապես ընտրական գործընթացների ֆինանսական թափանցիկության և ֆինանսավորման օրինականության գործընթացն ավելի պատշաճ և ժամանակակից գործիքակազմերի կիրառմամբ իրականացնելու նպատակով ԿԸՀ-ն միջազգային գործընկերների հետ համագործակցությամբ մոնիթորինգային ծրագրեր է կիրառելու։ Դրանք հնարավորություն կտան մեզ համացանցում տեղի ունեցող գործընթացը, քարոզչությունը ավելի փաստարկված և հնարավորինս ընդգրկուն ծավալներով դիտարկել, մոնիթորինգի ենթարկել»,- նշել է Հովակիմյանը։
Մանրամասները՝ տեսանյութում։
