16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Ազատ վիզայի ռեժիմ ունենալը պահանջկոտ գործընթաց է, անհրաժեշտ են մի շարք բարեփոխումներ․ Կարեն Նազարյան․ ՏԵՍԱՆՅՈՒԹ
Քաղաքականություն
06.11.2018 | 11:53
Հայաստանի արտաքին գործերի նախարարությունը Եվրամիության իր բարձրաստիճան գործընկերների հետ իրականացնում է տարբեր հանդիպումներ՝ բարձրաձայնելու վիզաների ազատականացման խնդիրն ու ներկայացնելու Հայաստանի պատրաստակամությունը՝ վիզայի ազատ ռեժիմ ունենալու համար։
«Վիզայի ազատ ռեժիմ ունենալու հստակ ձևակերպումը նշված է Եվրոպական Միության հետ Համապարփակ և ընդլայնված գործընկերության համաձայնագրում։ Նշված է, որ 2020 թվականին ՀՀ-ի քաղաքացիների համար կստեղծվի վիզային ազատ ռեժիմ։ Այս գործընթացը պահանջկոտ գործընթաց է, այն կապված է մարդու իրավունքների, արդարադատության և մի շարք այլ ոլորտներում անհրաժեշտ բարեփոխումների հետ, ինչին էլ ձեռնամուխ է եղել ՀՀ Կառավարությունը»,- այսօր Ազգային ժողովի եվրոպական ինտեգրման հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստում ասաց արտաքին գործերի նախարարի պաշտոնակատարի տեղակալ Կարեն Նազարյանը։
Վերջինս անդրադարձավ նաև ՀՀ-ի վարած ինտեգրացիոն քաղաքականությանը և նշեց, որ մեր հայրենակիցների ինտեգրումը նոր թափով է շարունակվում և նրանց վերադարձը կարգավորվում է 2014 թվականից ուժի մեջ մտած վերադարձի և վերաինտեգրման համաձայնագրով։
«Այդ համաձայնագրով Հայաստան ենք վերադարձնում մեր այն քաղաքացիներին, որոնք բռնել էին անօրինական արտագաղթի ճանապարհը»,- ասաց Նազարյանը։
Կարեն Նազարյանը նաև նշեց, որ այդ նպատակով Արտաքին գործերի նախարարությունը քարոզչական աշխատանք է տանում ՀՀ-ի տարբեր դեսպանությունների միջոցով՝ անօրինական արտագաղթի ճանապարհը բռնած ՀՀ քաղաքացիներին խորհուրդ տալով վերադառնալ Հայաստան։
Մանրամասները՝ տեսանյութում։
