08.08.2026 | 15:04
Ջերմաստիճանը կնվազի. ինչ եղանակ է սպասվում առաջիկա օրերին
Կարեն Նազարյանը՝ հայ-իրանական հարաբերությունների մասին․ ՏԵՍԱՆՅՈՒԹ
Քաղաքականություն
06.11.2018 | 11:29
ՀՀ արտաքին գործերի նախարար Զոհրաբ Մնացականյանն արդեն անդրադարձել է Ջոն Բոլթոնի՝ Հայաստանում արված հայտարարություններին, և ես այդ պատասխանից ավել որևէ այլ բան չեմ կարող ասել։Այս մասին այսօր ՀՀ Ազգային ժողովի եվրոպական ինտեգրման հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստում՝ ի պատասխան պատգամավոր Ալեն Սիմոնյանի հարցադրման՝ ինչպե՞ս եք գնահատում Ջոն Բոլթոնի՝ Հայաստանում արված հայտարարություններին, ասաց ԱԳ նախարարի պաշտոնակատարի տեղակալ Կարեն Նազարյանը։
Անդրադառնալով ՀՀ-ի վարած արտաքին քաղաքականությանը՝ Նազարյանը նշեց, որ Հայաստանը շարունակում է իր գործընկերների հետ շարունակել բաց և անկաշկանդ փոխգործակցությունը՝ զարգացնելով հարաբերությունները Իրանի, Վրաստանի և Եվրամիության հետ։
Նախարարի տեղակալն առանձնացրեց հատկապես Իրանի հետ հարաբերությունների զարգացման անհրաժեշտությունը։
«Իրանի հետ մեր հարաբերությունների դինամիկայի պահպանումը կարևոր է անկախ այն իրադրությունից, որն այսօր ստեղծվել է։ Այդ հարաբերությունները պետք է զարգանան մեր քաղաքական-տնտեսական փոխշահավետ համագործակցության հիման վրա և չպետք է զարգանան 3-րդ երկրի հետ ՀՀ-ի ունեցած հարաբերությունների հաշվին»,- ասաց Նազարյանը։
Մանրամասները՝ տեսանյութում։
