29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
Ձերբակալվել է Վրաստանի պետական անվտանգության ծառայության նախկին ղեկավարը
Քաղաքականություն
23.12.2025 | 17:13
Ձերբակալվել է Վրաստանի պետական անվտանգության ծառայության նախկին ղեկավար Գրիգոլ Լիլուաշվիլին։ Վրացական Առաջին ալիքի հաղորդմամբ՝ այս մասին Վրաստանի Գլխավոր դատախազությունում կայացած ճեպազրույցի ժամանակ հայտարարել է գլխավոր դատախազ Գիորգի Գվարակիձեն։
Լիլուաշվիլիին մեղադրանք է առաջադրվել մի քանի հոդվածներով, այդ թվում՝ կաշառակերության և, այսպես կոչված, «զանգերի կենտրոնների» հետ կապված։
Դրվագներից մեկով՝ 2022 թվականի հոկտեմբերին, ըստ քննիչների, Լիլուաշվիլին թուրք ներդրող Չաղաթայ Ուլքերից 1 միլիոն դոլար կաշառք է ստացել էկոնոմիկայի և կայուն զարգացման այն ժամանակվա առաջին փոխնախարար Ռոմեո Միկաութաձեի միջոցով՝ քամու էլեկտրակայանների կառուցման հետ կապված համագործակցության հուշագրի ստորագրման համար լոբբինգ անելու համար։
Գրիգոլ Լիլուաշվիլիին մեղադրանք է առաջադրվել Վրաստանի Քրեական օրենսգրքի 338-րդ հոդվածի 2-րդ մասի «գ» և 3-րդ մասի «ե» ենթակետերով, որոնք նախատեսում են 11-ից 15 տարի ժամկետով ազատազրկում։
Դատախազությունը միջնորդություն է ներկայացրել որպես խափանման միջոց կալանք կիրառելու վերաբերյալ։
Թարգմանությունը՝ Էմմա Չոբանյանի
