19.05.2026 | 21:08
Քանի մարդ է մասնակցել Գյումրիում «Հայաստան» դաշինքի հանրահավաքին 19:12-ի դրությամբ. ԻՔՄ-ն տվյալներ է հրապարակել
Ուկրաինական ԱԹՍ-ները հարձակվել են Բուդյոնովսկի վրա. հարված է հասցվել նավթաքիմիական գործարանին. ՏԵՍԱՆՅՈՒԹ
Քաղաքականություն
23.12.2025 | 12:21
Ուկրաինական անօդաչու թռչող սարքերը դեկտեմբերի լույս 23-ի գիշերը հարձակվել են ռուսական Բուդյոնովսկի վրա։ Արդյունաբերական գոտում հրդեհներ են առաջացնել, հայտնել է Ստավրոպոլի երկրամասի նահանգապետ Վլադիմիր Վլադիմիրովը, գրում է Meduza-ն։
Վլադիմիրովի խոսքով՝ տուժածներ չկան, բնակելի շենքերը և քաղաքի կարևորագույն ենթակառուցվածքները չեն վնասվել։ Նա այլ մանրամասներ չի հայտնել։
Astra-ն վերլուծել է սոցիալական ցանցերում տեղադրված հրդեհների տեսանյութերը և ենթադրություն հայտնել, որ հարձակման է ենթարկվել «Ստավրոլեն»նավթաքիմիական գործարանը, որը պոլիէթիլեն և պոլիպրոպիլեն է արտադրում։
Գործարանի մոտ բռնկված հրդեհի մասին հայտնել է նաև ուկրաինական Exilenova+ տելեգրամ ալիքը։
Ռուսաստանի պաշտպանության նախարարությունը հայտնել է գիշերը ուկրաինական 29 անօդաչու թռչող սարքի ոչնչացման մասին: Անօդաչուների մեծ մասը խոցվել է Ռոստովի մարզում (14) և Ստավրոպոլի երկրամասում (7):
Բուդյոնովսկի «Ստավրոլեն» գործարանը հոկտեմբերի վերջին արդեն ենթարկվել էր ուկրաինական անօդաչուների հարձակմանը: Տեղի բնակիչները հայտնել էին գործարանի շրջակայքում պայթյունների և հրդեհի մասին:
Թարգմանությունը՝ Էմմա Չոբանյանի
