28.04.2026 | 13:53
Օդի ջերմաստիճանն աստիճանաբար կբարձրանա 5-9 աստիճանով
Պուտինը խոսել է միջուկային էներգիայի և տրանսպորտային ենթակառուցվածքների ոլորտում ՀՀ-ի հետ համագործակցության պլաններից
Քաղաքականություն
22.12.2025 | 19:25
Ռուսաստանի և Հայաստանի հարաբերությունները զարգանում են, առևտրաշրջանառությունը բարելավվել է։ Այս մասին հայտարարել է Ռուսաստանի նախագահ Վլադիմիր Պուտինը ՀՀ վարչապետ Նիկոլ Փաշինյանի հետ հանդիպման ժամանակ։
«Ինչ վերաբերում է երկկողմ հարաբերություններին, դրանք զարգանում են։ Մեր առևտրաշրջանառությունը բարելավվել է. մենք դա քննարկել ենք երեկ»,- ասել է Պուտինը։
ՌԴ նախագահն անդրդադարձել է նաև երկու երկրների միջև միջուկային էներգիայի և տրանսպորտային ենթակառուցվածքների ոլորտում համագործակցությունից։
«Մենք լավ ծրագրեր ունենք։ Քննարկել ենք էներգետիկան, այդ թվում՝ ատոմային էներգիան։ Հիմա մանրամասն չենք խոսի, բայց կա քննարկելու և խոսելու հնարավորություն։ Մեր վերջին հանդիպման ժամանակ Դուք բարձրացրեցիք տարբեր հարցեր, որոնց վրա կարող ենք համատեղ աշխատել։ Ես նկատի ունեմ հին երթուղիների վերականգնումը և նորերի ստեղծումը, որոնք կբացեն Հայաստանի սահմանները»,- ասել է նա։
Թարգմանությունը՝ Էմմա Չոբանյանի
