30.10.2026 | 16:55
Ընտրվելու դեպքում կդադարեցնեմ անդամակցությունը ՀՅԴ-ին․ Մինասյանը՝ հանձնաժողովի անդամ դառնալու մասին․ ՏԵՍԱՆՅՈՒԹ
Իսրայելի պետական պաշտպանական IAI կորպորացիան Բաքվում նորարարական կենտրոն է բացել
Քաղաքականություն
22.12.2025 | 20:39
Իսրայելի պետական պաշտպանական Aviation Industries (IAI) կորպորացիան Բաքվում բացել է VISTAR նորարարական կենտրոնը, որը նախատեսված է Ադրբեջանի համար տեխնոլոգիական անձնակազմ պատրաստելու համար, գրում են ադրբեջանական լրատվամիջոցները։
Իսրայելական լրատվամիջոցների տվյալներով՝ կենտրոնի առաջին ուսումնական ծրագրին մասնակցում են նախապես ընտրված 25 անձինք։
Ծրագիրն իրականացվում է «Ազերկոսմոս» տիեզերական գործակալության, Ադրբեջանի նորարարությունների և թվային զարգացման գործակալության և Հոլոնի տեխնոլոգիական ինստիտուտի հետ համատեղ։
Իսրայելական մամուլը նշում է, որ Ադրբեջանն Իսրայելի պաշտպանական արդյունաբերության, մասնավորապես, IAI-ի հիմնական գնորդն է: Այլ բաների շարքում՝ Ադրբեջանը գնել է Իսրայելի արտադրության տիեզերական արբանյակներ, հրթիռային պաշտպանության համակարգեր, հրետանային համակարգեր, անօդաչու թռչող սարքեր և այլ սարքավորումներ:
Թարգմանությունը՝ Էմմա Չոբանյանի
