24.08.2026 | 23:26
Ծանրորդ Տիգրան Ավետիսյանը՝ Եվրոպայի Մ15 տարեկանների չեմպիոն
Ալեն Սիմոնյանի մեկնաբանությունն «անվավեր է»․ փոխվարչապետի գրասենյակի արձագանքը՝ Factor TV-ի հարցմանը
Քաղաքականություն
22.12.2025 | 17:55
Հայ-ադրբեջանական սահմանի սահմանազատման աշխատանքների և դրանց ժամկետների հետ կապված հարցերը դեռևս գտնվում են քննարկման փուլում: Այս մասին Factor TV-ի հարցմանն ի պատասխան հայտնում են փոխվարչապետ Մհեր Գրիգորյանի գրասենյակից։
Հիշեցնենք՝ դեկտեմբերի 10-ին Ազգային ժողովի նախագահ Ալեն Սիմոնյանը լրագրողների հետ զրույցում հայտարարել է, որ «մոտ ապագայում» Հայաստանի և Ադրբեջանի միջև սահմանին ևս մեկ հատված կսահմանազատվի՝ որպես հնարավոր ժամկետ նշելով 2026-ի առաջին եռամսյակը:
«․․․Հանձնաժողովներով ներկայացված պետությունների պաշտոնատար անձանց ցանկացած պաշտոնական հղում նիստերի և համատեղ աշխատանքային հանդիպումների արդյունքներին, որը դուրս է ԶԼՄ-ների համար հաղորդագրությունների բառացի բովանդակությունից, ինչպես նաև դրանց պարզաբանումները կամ մեկնաբանությունները չեն թույլատրվում և համարվում են անվավեր»,- նշվում է պատասխանում:
Գրասենյակից հայտնել են նաև, որ այս պահի դրությամբ հանձնաժողովների հաջորդ հանդիպման կոնկրետ ամսաթվի վերաբերյալ պայմանավորվածություն առկա չէ:
Եվգենյա Համբարձումյան
