10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Էրմիտաժում Նիկոլ Փաշինյանի մասնակցությամբ ընթանում է ԱՊՀ երկրների ղեկավարների ոչ պաշտոնական գագաթնաժողովը. ՏԵՍԱՆՅՈՒԹ
Քաղաքականություն
22.12.2025 | 14:42
Անկախ Պետությունների Համագործակցության (ԱՊՀ) երկրների ղեկավարների ավանդական ոչ պաշտոնական գագաթնաժողովը մեկնարկել է Սանկտ Պետերբուրգում՝ Էրմիտաժում: Առաջին անգամ է, որ այս հանդիպումը տեղի է ունենում աշխարհի ամենամեծ թանգարաններից մեկում, որտեղ պահվում են տարբեր դարաշրջանների և ժողովուրդների ավելի քան 3000 մշակութային հուշարձաններ, գրում է ՏԱՍՍ-ը:
Դահլիճի ձևավորումը համապատասխանում է իր նպատակին. մինչև 1917 թվականն այն հյուրընկալել է պաշտոնական ընդունելություններ և խոշոր արարողություններ: Այս ավանդույթը վերականգնվել է Էրմիտաժի կողմից 1996 թվականին:
Գագաթնաժողովից առաջ Ռուսաստանի նախագահ Վլադիմիր Պուտինը և հյուրերը շրջել են թանգարանային մի քանի սրահում, որտեղ ցուցադրվել են 18-րդ դարի ֆրանսիական գեղանկարչության գլուխգործոցներ, ինչպես նաև այցելել Էրմիտաժի Ոսկե գանձարան։
Գագաթնաժողովին մասնակցում է նաև ՀՀ վարչապետ Նիկոլ Փաշինյանը։ Կրեմլի խոսնակ Դմիտրի Պեսկովն ավելի վաղ հայտնել էր, որ ՌԴ նախագահ Վլադիմիր Պուտինը Սանկտ Պետերբուրգում երկկողմ հանդիպում կանցկացնի ՀՀ վարչապետ Նիկոլ Փաշինյանի հետ։
Թարգմանությունը՝ Էմմա Չոբանյանի
