13.05.2026 | 21:42
Թուրքիան և Կատարը կարող են միանալ Սաուդյան Արաբիայի ու Պակիստանի պաշտպանական պայմանագրին
«Ինտերը», «Յուվենտուսը» և «Նապոլին» հետևում են Սպերցյանի խաղին․ գործակալ
21.12.2025 | 11:11
Իտալական «Ինտերը», «Յուվենտուսը» և «Նապոլին» հետաքրքրված են Ռուսաստանի չեմպիոն «Կրասնոդարի» կիսապաշտպան, Հայաստանի ազգային հավաքականի ավագ Էդուարդ Սպերցյանի ծառայություններով։ Այդ մասին հայտարարել է ֆուտբոլային գործակալ Պաուլու Բարբոզան։
«Իտալիայում Սպերցյանին հետևում է մի քանի թոփ ակումբ՝ «Յուվենտուսը», «Ինտերը» և «Նապոլին»։ Նրան փայլուն ապագա է սպասվում, քանի որ արդեն մի քանի մրցաշրջան անընդմեջ ցուցադրում է իր խաղամակարդակը։ Սպերցյանն արժանացել է եվրոպական թոփ ակումբ տեղափոխությանը»,- գործակալի խոսքը մեջբերում է Odds.ru-ն։
Էդուարդ Սպերցյանը «Կրասնոդարի» սան է, գլխավոր թիմում անցկացրել է 168 հանդիպում, խփել 53 գոլ ու կատարել 45 ասիստ։ Ռուսաստանի ընթացիկ առաջնությունում 25-ամյա կիսապաշտպանը մասնակցել է 18 հանդիպման, դարձել 8 գոլի ու 12 գոլային փոխանցման հեղինակ։ Հայ ֆուտբոլիստի պայմանագիրը «Կրասնոդարի» հետ նախատեսված է մինչև 2029թ․ հունիսի 30-ը։ Transfermarkt-ը 25 միլիոն եվրո է գնահատում Սպերցյանի տրանսֆերային արժեքը։
