28.04.2026 | 15:37
Ժամանակավորապես կարգելվի Հանրապետության հրապարակի շրջանաձև երթևեկությունը
ԱՄՆ արդարադատության նախարարությունը հրապարակել է Բիլ Քլինթոնին վարկաբեկող Էփշտեյնի ֆայլերը
Քաղաքականություն
20.12.2025 | 14:23
ԱՄՆ արդարադատության նախարարությունը հրապարակել է Բիլ Քլինթոնին վարկաբեկող Էփշտեյնի ֆայլերը։ Հրապարակվել է փաստաթղթերի ավելի քան 300 հազար էջ։ Դրանց հրապարակումը հնարավոր է դարձել հատուկ օրենքի ընդունումից հետո։ Առայժմ նյութերի միայն մի մասն է բացահայտվել, մյուսների ստուգումը կտևի ևս երկու շաբաթ։ Դոնալդ Թրամփի վերաբերյալ նոր տվյալներ գրեթե չկան։ Այս մասին հաղորդում է DW-ն։
Փոխարենը, ֆայլերը պարունակում են բազմաթիվ տեղեկություններ ԱՄՆ նախկին նախագահ, դեմոկրատ Բիլ Քլինթոնի մասին: Կան նրա բազմաթիվ լուսանկարներ և հիշատակումներ նրա մասին։ Լուսանկարներից մեկում Քլինթոնը պատկերված է լողավազանում լողազգեստով Ժիսլեն Մաքսվելի՝ Ջեֆրի Էփշտեյնի զուգընկերուհու հետ։ Այլ կադրերում նա ֆինանսիստի ևւ լողազգեստով այլ աղջիկների հետ է։ Նրանց դեմքերը ծածկված են սևով, ԱՄՆ արդարադատության նախարարությունը նրանց անվանել է «զոհեր»: Ընդ որում, լուսանկարներից մինչև վերջ պարզ չէ, թե Քլինթոնն ինչ հարաբերությունների մեջ է եղել աղջիկների հետ։
Քլինթոնի ներկայացուցիչ Էնջել Ուրենան քննադատել է նախկին նախագահի լուսանկարների հրապարակումը՝ հայտարարելով, որ նա տեղյակ չի եղել Էփշտեյնի հանցագործությունների մասին և նախապես դադարեցրել է շփումները նրա հետ:
Հիշեցնենք՝ ԱՄՆ նախագահ Դոնալդ Թրամփը հայտարարել է, որ ստորագրել էր օրենք, որը պահանջում է բացահայտել սեռական հանցագործությունների համար դատապարտված և բանտում մահացած ֆինանսիստ Ջեֆրի Էփշտեյնի հետ կապված բոլոր նյութերը։
