28.04.2026 | 13:35
Փարիզի Մոնմարշե հրապարակում տեղի է ունեցել Հայոց ցեղասպանության 111-րդ տարելիցին նվիրված միջոցառում․ ԼՈՒՍԱՆԿԱՐՆԵՐ
Պուտինը խոստացել է Ուկրաինայի վրա հարձակումների մորատորիում՝ ընտրությունների դեպքում
Քաղաքականություն
19.12.2025 | 20:37
Ռուսաստանի նախագահ Վլադիմիր Պուտինը կրկին բարձրացրել է Ուկրաինայում ընտրություններ անցկացնելու հարցը, գրում է BBC-ի ռուսական ծառայությունը։
Ավելի վաղ Ուկրաինայի նախագահ Վլադիմիր Զելենսկին խոսել էր դրանք անցկացնելու պատրաստակամության մասին՝ որպես պատերազմը դադարեցնելու ամերիկյան ծրագրի մաս։ Զելենսկին, արձագանքելով ԱՄՆ նախագահ Դոնալդ Թրամփի պահանջներին, հայտարարել էր, որ ընտրությունների անցկացման համար անհրաժեշտ են ամերիկյան անվտանգության երաշխիքներ։
«Մենք պատրաստ ենք մտածել Ուկրաինայում ընտրությունների ժամանակ անվտանգությունն ապահովելու շուրջ։ Թեկուզ ընտրությունների օրը զերծ մնալ տարածքի խորքին հարվածներից։ Եթե նրանք ցանկանում են ընտրություններն օգտագործել միայն ռուսական զորքերի հարձակումը դադարեցնելու համար, ապա դա սխալ ընտրություն է»,- հայտարարել է Ռուսաստանի նախագահը։
Պուտինը հիշեցրել է, թե Ռուսաստանի կողմից Ուկրաինա ներխուժման սկսվելուց հետո ՌԴ-ում անցկացվել են ընտրություններ, այդ թվում՝ կրակոցների պայմաններում։
Վլադիմիր Պուտինը Ռուսաստանի նախագահ է ընտրվել 2000 թվականին, Զելենսկին՝ 2019 թվականին։
Թարգմանությունը՝ Էմմա Չոբանյանի
