28.04.2026 | 13:35
Փարիզի Մոնմարշե հրապարակում տեղի է ունեցել Հայոց ցեղասպանության 111-րդ տարելիցին նվիրված միջոցառում․ ԼՈՒՍԱՆԿԱՐՆԵՐ
Եթե մեզ հարգանքով վերաբերվեք, որևէ գործողություն չի լինի. Պուտինը՝ նոր պատերազմի հնարավորության մասին
Քաղաքականություն
19.12.2025 | 18:47
ՌԴ նախագահ Վլադիմիր Պուտինը հայտարարել է, որ Ռուսաստանը չունի Եվրոպայի վրա հարձակվելու մտադրություն և որևէ նոր «հատուկ ռազմական գործողություն» չի ծրագրում, գրում է Meduza-ն։
«Որևէ գործողություն չի լինի, եթե դուք մեզ հարգանքով վերաբերվեք»,- ասել է Պուտինը՝ ուղիղ եթերում պատասխանելով BBC-ի թղթակցի հարցին այն մասին, թե ինչ ապագա է պատկերացնում և ինչ ծրագրեր ունի Պուտինը Ռուսաստանի համար։
Նա նաև հիշեցրել է, թե ինչպես են եվրոպացիները «խաբել» Ռուսաստանին ՆԱՏՕ-ի՝ դեպի արևելք ընդլայնմամբ։
«Ինչպես մենք ասում ենք՝ նրանք խաբել են մեզ. նրանք պարզապես անտեսել են մեր անվտանգության շահերը»,- պնդել է նա։
Պուտինը նշել է, որ Ռուսաստանը կարող է անմիջապես դադարեցնել ռազմական գործողությունները, «եթե Մոսկվայի անվտանգության պայմանները բավարարվեն միջնաժամկետ և երկարաժամկետ հեռանկարում»։ ՌԴ նախագահի խոսքով՝ Մոսկվան պատրաստ է համագործակցել ԱՄՆ-ի ու Եվրոպայի հետ, բայց «հավասար հիմքերով և փոխադարձ հարգանքով»։
«Մենք չենք կռվում Արևմուտքի դեմ։ Դուք եք կռվում մեր դեմ՝ ուկրաինացի ազգայնականների ձեռքով»,- հավելել է նա։
Թարգմանությունը՝ Էմմա Չոբանյանի
