01.11.2026 | 11:33
Ուկրաինայում պատերազմը տեղափոխվել է նաև ստորգետնյա գազատարներ․ զինվորականները մարտեր են վարում խողովակաշարերում․ ԼՈՒՍԱՆԿԱՐՆԵՐ
Ձուն թանկացել է, շաքարավազն՝ էժանացել․ 11-ամսյա գնաճի տվյալները
Տնտեսություն
19.12.2025 | 17:17
Հայաստանում ձուն այս տարվա նոյեմբերին նախորդ տարվա նույն ժամանակահատվածի համեմատ թանկացել է 3%-ով։ Այս մասին Factor.am-ը տեղեկանում է ՀՀ վիճակագրական կոմիտեում հրապարակված տվյալներից։
2024 թվականի նոյեմբերի համեմատ մարգարինի գինը բարձրացել է 5.3%-ով, կարագինը՝ 11.9%-ով։
Կաթնամթերքի շուկայում գրանցվել է հետևյալ գնաճը․
պահածոյացված կաթ՝ 1.1%,
պանիր՝ 3.4%,
թարմ կաթ՝ 5.7%,
կաթնաշոռ՝ 7.2%,
մածուն՝ 7.3%,
թթվասեր՝ 8.6%։
Արևածաղկի բուսական յուղի գինը նոյեմբերին աճել է 15%-ով։ Սուրճի գինը բարձրացել է 10.7%-ով, շոկոլադինը՝ 12.2%-ով, իսկ կակաոյինը՝ 30%-ով։ Միևնույն ժամանակ, շաքարի և շաքարավազի գները տարեկան կտրվածքով նվազել են 1%-ով։
Ալկոհոլային խմիչքների գները նոյեմբերին աճել են 4.3%-ով, ծխախոտային արտադրատեսակներինը՝ 8.5%-ով։ Բանջարեղենի շուկայում գրանցվել է 7.8% գնանկում, իսկ մրգի շուկայում՝ 3.1% գնաճ։
Անի Թամրազյան
