ԲԱՆԱՎԵՃ․ Փաշինյանը հոգևորականների մեղադրեց գործակալ լինելու մեջ․ փա՞ստ, թե քաղաքական հայտարարություն

Վարչապետ Նիկոլ Փաշինյանը եկեղեցու վերնախավի մի մասին մեղադրում է օտարերկրյա հատուկ ծառայությունների կողմից հավաքագրված կամ ղեկավարված լինելու մեջ․ «Ձեզ համար նորությո՞ւն է, որ կաթողիկոսը ղեկավարվում է դրսից: Չե՞ք տեսել փաստեր, ուշադիր լրատվությանը հետևեք, կտեսնեք այդ փաստերը: Քրեական գո՞րծ է ձեզ պետք՝ դա տեսնելու համար»,- ասել է Նիկոլ Փաշինյանը:

Վարչապետը նաև հղում է արել հրապարակված ինչ-որ փաստաթղթերի՝ պնդելով, որ ըստ դրանց՝ իր որակմամբ՝ «Կտրիճ Ներսիսյանի եղբայրը КГБ գործակալ է եղել Խորհրդային Միության ժամանակ: Հրապարակային հայտարարություններ են եղել Գերմանիայում տեղի ունեցած միջադեպերի մասին, մեր ծառայություններն էլ ունեն այդ տեղեկությունը»:

Չնայած այս հայտարարություններին՝ Հայաստանի իրավապահները մեղադրանք չեն առաջադրել գործակալ լինելու մեջ մեղադրվողներին։ Չկան նաև քրեական գործեր։ Չկա նաև օտարերկրյա գործակալներին բացահայտելուն, պետական պաշտոններ զբաղեցնելու իրավունքից զրկելուն միտված լյուստրացիայի գործընթաց։
Factor TV-ի տաղավարում հրավիրում ենք քննարկում, որին մասնակցում են Սուրեն Սուրենյանցը՝ Դեմոկրատական այլընտրանք կուսակցության նախագահ,
Լարիսա Ալավերդյանը՝ «Ընդդեմ իրավական կամայականության» հասարակական կազմակերպության գործադիր տնօրեն, Լևոն Բարսեղյանը՝ Գյումրիի «Ասպարեզ» ակումբի խորհրդի նախագահ, Դանիել Իոաննիսյանը՝ «Իրազեկ քաղաքացիների միավորում» հասարակական կազմակերպության ծրագրերի համակարգող, Արսեն Խառատյանը՝ «Ալիք մեդիայի» հիմնադիր։

Հաղորդումն ամբողջությամբ՝ տեսանյութում։

Ռոբերտ Անանյան