16.04.2026 | 23:27
Ինչ իրավիճակ է Հայաստանի ճանապարհներին և Լարսում
Պուտինը ԵՄ-ի կողմից ռուսական ակտիվների հնարավոր բռնագրավումը «կողոպուտ» է անվանել և խոսել ծանր հետևանքներից
Քաղաքականություն
19.12.2025 | 15:32
ՌԴ նախագահ Վլադիմիր Պուտինը հայտարարել է, թե ռուսական ակտիվների «կողոպուտի հետևանքները ծանր կլինեն և կհարվածեն եվրոգոտուն», գրում է Ինտերֆաքսը։
«Գողությունը տեղին սահմանում չէ։ Գողությունը սեփականության գաղտնի հափշտակումն է, բայց այստեղ նրանք փորձում են դա անել բացահայտ։ Դա կողոպուտ է։ Ի վերջո, նրանք հայտարարեցին, որ ոչ թե պարզապես կթալանեն և կխլեն, այլ իրենց գաղափարներից մեկը մեր ակտիվներով ապահովագրված վարկ տրամադրելն է»,- ասել է Պուտինը՝ մեկնաբանելով Եվրահանձնաժողովի կողմից Կիևի օգտին ռուսական ակտիվների բռնագրավման մերժումը։
ՌԴ նախագահը հիշեցրել է, որ Ռուսաստանից բացի՝ եվրոգոտում իրենց պահուստներն են պահում շատ պետություններ, այդ թվում՝ նավթ արտադրող երկրները։
«Եվ նրանք կտեսնեն, թե ինչ է կատարվում. նրանք արդեն հետևում են, և արդեն կասկածներ ու մտահոգություններ են առաջացնում»,- նշել է նա։
Պուտինը նշել է, որ ինքնիշխան ակտիվներից վարկեր տրամադրելու որոշումները «հետևանքներ են առաջացնում յուրաքանչյուր երկրի բյուջեի համար. սա մեծացնում է բյուջետային պարտքը»։
«Եթե ինչ-որ մեկը վարկեր է տրամադրում, նույնիսկ մեր ոսկու և արտարժույթի պահուստների ներքո, դա պետք է արտացոլվի այն երկրի բյուջեում, որը դա անում է»,- նշել է նա։
ԵՄ առաջնորդները նախօրեին չեն կարողացել գալ համաձայնության ռուսական սառեցված ակտիվների օգտագործման հարցով։
Թարգմանությունը՝ Էմմա Չոբանյանի
