27.03.2026 | 13:38
Մի խումբ անձինք օժանդակել են զորակոչիկին՝ խաբեությամբ զորակոչից խուսափելու փորձ կատարելուն
Ով է լինելու «Բարսելոնայի» հիմնական դարպասապահը Տեր Շտեգենի վերադարձից հետո
19.12.2025 | 15:21
Կատալոնական «Բարսելոնայի» գերմանացի դարպասապահ Մարկ-Անդրե տեր Շտեգենը մտադիր է լավ մարզավիճակի վերադառնալ մինչև 2026թ․ աշխարհի առաջնության մեկնարկը։
33-ամյա դարպասապահը վերջերս էր խաղադաշտ վերադարձել վնասվածքից ապաքինվելուց հետո։ Նա չէր խաղում այս տարվա մայիսից։
Տեր Շտեգենի բացակայության ընթացքում «Բարսելոնայի» հիմնական դարպասապահն է դարձել 24-ամյա իսպանացի Ժոան Գարսիան։ Կատալոնական ակումբի գլխավոր մարզիչ Հանսի Ֆլիկը մտադիր չէ առաջիկայում փոփոխություն կատարել հիմնական դարպասապահի հարցում, գրում է Marca-ն։
Տեր Շտեգենը նաև դիտարկել է «Բարսելոնայից» հեռանալու տարբերակը, սակայն Գերմանիայի հավաքականի գլխավոր մարզիչ Յուլիան Նագելսմանը հայտարարել է, որ եթե դարպասապահը գոնե խաղա միայն Իսպանիայի գավաթում, դա բավականաչափ կլինի ԱԱ-2026-ին նախապատրաստվելու համար։ Դրանից հետո գերմանացին որոշել է մնալ «Բարսելոնայում» ու պատրաստ է առաջիկայում լինել երկրորդ դարպասապահը։
Մարկ-Անդրե տեր Շտեգենը 2014 թվականից է խաղում «Բարսելոնայում»։
