29.06.2026 | 23:29
Ալեն Սիմոնյանը պարգևատրել է պետական պահպանության ծառայության աշխատողներին
Տեր Շտեգենը վերադարձել է խաղադաշտ ու մասնակցել «Բարսելոնայի» հաղթանակին․ ՏԵՍԱՆՅՈՒԹ
17.12.2025 | 11:33
Իսպանիայի գավաթի խաղարկության 1/16 եզրափակիչում կատալոնական «Բարսելոնան» մրցակցի խաղադաշտում 2:0 հաշվով հաղթել է «Գվադալախարային» ու դուրս եկել հաջորդ փուլ։
Իսպանիայի չեմպիոնը միայն խաղի վերջնամասում է կարողացել կոտրել երկրորդ դիվիզիոնը ներկայացնող թիմի դիմադրությունը։ 77-րդ րոպեին հանդիպման հաշիվը բացել է դանիացի պաշտպան Անդրեաս Քրիստենսենը, իսկ վերջին րոպեին հյուրերի երկրորդ գոլը խփել է անգլիացի հարձակվող Մարկուս Ռեշֆորդը։
«Բարսելոնայի» դարպասը պաշտպանում էր գերմանացի Մարկ-Անդրե տեր Շտեգենը, որը խաղադաշտ է վերադարձել տևական ընդմիջումից հետո։ Վնասվածքից ապաքինված 33-ամյա դարպասապահը նախորդ անգամ հանդիպման մասնակցել էր մայիսին։
Իսպանիայի գավաթի 1/8 եզրափակիչի զույգերը որոշվելու են վիճակահանությամբ։
