29.06.2026 | 23:11
ԱԱ-2026. Բրազիլացիները կամային հաղթանակով դուրս եկան 1/8 եզրափակիչ. ՏԵՍԱՆՅՈՒԹ
Կոնֆերենցիաների լիգա. «Նոայի» հավանական մրցակիցները փլեյ-օֆֆում
19.12.2025 | 03:00
Երևանի «Նոան» դարձավ առաջին հայկական ակումբը, որը կխաղա եվրագավաթների փլեյ-օֆֆում։
Կոնֆերենցիաների լիգայի Լիգայի փուլում Հայաստանի չեմպիոնը 6 խաղում վաստակեց 8 միավոր և գրավեց 19-րդ տեղը։
Անցումային փլեյ-օֆֆում «Նոայի» մրցակիցը լինելու է կամ սլովենական «Ցելյեն», կամ հոլանդական «Ազ Ալկմարը»։ «Ցելյեն» Լիգայի փուլում գրավել է 13-րդ տեղը, իսկ «Ազ Ալկմարը»՝ 14-րդ։ Երկու թիմերն էլ վաստակել էին 10 միավոր։
1/8 եզրափակիչ դուրս գալու դեպքում «Նոան» խաղալու է կամ Աթենքի ԱԵԿ-ի (Հունաստան), կամ Պրահայի «Սպարտայի» (Չեխիա) հետ։
Կոնֆերենցիաների լիգայի փլեյ-օֆֆի վիճակահանությունը կկայանա հունվարի 16-ին։
Հիշեցնենք, որ Կոնֆերենցիաների լիգայի նախորդ 6 խաղում «Նոան» հաղթել էր խորվաթական «Ռիեկային» (1։0) ու լեհական «Լեգիային» (1։0), ոչ-ոքի խաղացել ռումինական «Ունիվերսիտատեա Կրայովայի» (1։1) ու շոտլանդական «Աբերդինի» (1։1) հետ և պարտվել Չեխիայի գավաթակիր «Սիգմային» (1։2) ու Ուկրաինայի չեմպիոն Կիևի «Դինամոյին» (0։2)։ Կոնֆերենցիաների լիգայում 1-8-րդ տեղ գրաված ակումբները դուրս են գալիս 1/8 եզրափակիչ, իսկ 9-24-րդ տեղերի թիմերը՝ անցումային փլեյ-օֆֆ (1/16 եզրափակիչ):
