01.02.2026 | 17:53
Jeep մակնիշի ավտոմեքենան դուրս է եկել ճանապարհի երթևեկելի հատվածից և գլորվել հարակից ձորը
Արման Ծառուկյանը նշել է՝ ում հետ կցանկանար անցկացնել գրեփլինգի մենամարտ
18.12.2025 | 17:55
UFC-ի թեթև քաշային կարգի դասակարգման առաջատար Արման Ծառուկյանը նշել է, թե ում հետ կցանկանար անցկացնել գրեփլինգի մենամարտ։ Դեկտեմբերի 17-ին Մոսկվայում կայացած ACBJJ 20 մրցաշարի գլխավոր մենամարտում հայ մարտիկը գրեփլինգի կանոններով մրցել էր ռուսաստանցի Մեհդի Բայդուլաևի հետ ու հաղթել խեղդող հնարքով։
«Կցանկանայի մենամարտել այնպիսի մարտիկների հետ, ինչպիսիք են Դասթին Պորյեն ու Խորխե Մասվիդալը։ Նրանք մեծ անունով մարդիկ են, որոնց դեմ արդեն չեմ մրցի խառը մենամարտերում։ Նրանք թողել են խառը մենամարտերը, սակայն մինչև օրս լավ անուն ունեն։ Կարելի է պարզապես շոու անել, ուրախացնել մարդկանց և գումար վաստակել»,- Արման Ծառուկյանի խոսքը մեջբերում է Sport24-ը։
Հիշեցնենք, որ դեկտեմբերի 30-ին 29-ամյա Ծառուկյանը գրեփլինգի մենամարտ է անցկացնելու նաև Երևանում՝ մրցելով UFC-ի մարտիկ Շառա Բուլետի (Շարաբուտդին Մագոմեդով) հետ։ Հայ մարտիկը խառը մենամարտերում անցկացրել է 26 հանդիպում, տարել 23 հաղթանակ ու կրել 3 պարտություն։
