10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Դատարանը մերժել է անվանի ֆուտբոլիստին բանտից վաղաժամ ազատ արձակելու խնդրանքը
18.12.2025 | 17:40
Ամստերդամի վերաքննիչ դատարանը մերժել է Նիդերլանդների հավաքականի նախկին կիսապաշտպան Քվինսի Պրոմեսի վաղաժամկետ ազատման դիմումը, հաղորդում է De Telegraaf-ը։
33-ամյա ֆուտբոլիստը խնդրել էր իրեն ժամանակավորապես ազատ արձակել բանտախցից՝ իր հինգ երեխաների խնամքով զբաղվելու համար։ Սակայն դատարանը հանգամանքները չի համարել բավականաչափ ծանրակշիռ և որոշել է Պրոմեսին թողնել կալանքի տակ։
Ավելի վաղ դատարանը Քվինսի Պրոմեսին դատապարտել էր 7,5 տարվա ազատազրկման՝ զարմիկի վրա դանակով հարձակման և թմրանյութերի մաքսանենգության համար։ Այժմ գործը գտնվում է վերաքննության փուլում։ Հիմնական դատական լսումները նախատեսված են 2026 թվականի սեպտեմբերին։
Քվինսի Պրոմեսը կարիերայի ընթացքում հանդես է եկել հոլանդական «Տվենտեում» «Այաքսում», Մոսկվայի «Սպարտակում», իսպանական «Սևիլիայում» և արաբական «Դուբայ Յունայթեդում» ։ Նիդերլանդների ազգային հավաքականի կազմում նա անցկացրել է 50 հանդիպում և խփել 7 գոլ։
