30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Կրեմլը՝ Թուրքիայի կողմից ռուսական C-400-ները վերադարձնելու մասին
Քաղաքականություն
18.12.2025 | 16:35
Մոսկվան չի կարծում, որ Ռուսաստանից Թուրքիայի գնած C-400 զենիթահրթիռային համակարգերի շուրջ ստեղծված իրավիճակը վնասում է Անկարայի հետ հարաբերություններին, հայտարարել է Ռուսաստանի նախագահի մամուլի քարտուղար Դմիտրի Պեսկովը, գրում է Ինտերֆաքսը։
Խնդրելով մեկնաբանել արտասահմանյան լրատվամիջոցների հաղորդագրությունները, որոնց համաձայն՝ Թուրքիան, իբր, Վաշինգտոնի պահանջով ցանկանում է վերադարձնել Ռուսաստանից գնած C-400-ները, լրագրողները Պեսկովին հարցրել են՝ արդյո՞ք սա հարված է Մոսկվայի և Անկարայի հարաբերություններին, և արդյո՞ք Ռուսաստանի և Թուրքիայի նախագահներ Վլադիմիր Պուտինը և Ռեջեփ Թայիփ Էրդողանը քննարկել են այս հարցը Աշխաբադում վերջերս կայացած հանդիպման ժամանակ։
«Ոչ, չենք համարում: Եվ այս թեման օրակարգում չի եղել»,- պատասխանել է Պեսկովը:
Bloomberg-ն ավելի վաղ հայտնել էր, որ Թուրքիան փնտրում է գրեթե տասը տարի առաջ ձեռք բերված ռուսական արտադրության C-400 հակաօդային պաշտպանության համակարգը վերադարձնելու ուղիներ, ինչը կարող է վերացնել Միացյալ Նահանգների և ՆԱՏՕ-ի այլ դաշնակիցների հետ հարաբերություններում լուրջ լարվածությունը, և որ Թուրքիայի նախագահ Ռեջեփ Թայիփ Էրդողանը C-400-ի հարցը բարձրացրել է Ռուսաստանի նախագահ Վլադիմիր Պուտինի հետ անցյալ շաբաթ Թուրքմենստանում կայացած հանդիպման ժամանակ՝ երկու երկրների պաշտոնյաների միջև նախկինում տեղի ունեցած քննարկումներից հետո։
Թարգմանությունը՝ Էմմա Չոբանյանի
