09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
ԱԱ-2022-ի մրցանակային հիմնադրամը ռեկորդային է լինելու
18.12.2025 | 15:36
ՖԻՖԱ-ն հաստատել է, որ ֆուտբոլի 2026թ. աշխարհի առաջնության մրցանակային հիմնադրամը լինելու է ռեկորդային։ Կատարում կայացած ԱԱ-2022-ի համեմատ մրցանակային հիմնադրամն ավելացել է 50 տոկոսով և կկազմի 655 միլիոն դոլար, հաղորդում է ՖԻՖԱ-ի մամուլի ծառայությունը։
ԱԱ-2026-ի բոլոր մասնակիցները կստանան առնվազն 10,5 միլիոն դոլար։
Աշխարհի չեմպիոնը կվաստակի 50 միլիոն դոլար, իսկ եզրափակիչի մյուս մասնակիցը՝ 33 միլիոն։ Բրոնզե մեդալակիրը կստանա 29 միլիոն դոլար, չորրորդ տեղ գրաված թիմը՝ 27 միլիոն։
Քառորդ եզրափակիչի մասնակիցների եկամուտը կկազմի 19 միլիոն դոլար, 1/8 եզրափակիչի թիմերինը՝ 15 միլիոն, իսկ 1/16 եզրափակիչ անցածներինը՝ 11 միլիոն։ Խմբային փուլի մասնակիցները կստանան 9 միլիոն դոլար, ևս 1,5 միլիոն՝ նախապատրաստական ծախսերի համար։
«Աշխարհի առաջնությունը բեկումնային իրադարձություն կլինի համաշխարհային ֆուտբոլում ֆինանսական ներդրման տեսանկյունից»,- ասել է ՖԻՖԱ-ի նախագահ Ջանի Ինֆանտինոն։
Հիշեցնենք, որ 48 մասնակցով առաջին Մունդիալը կայանալու է հունիսի 11-ից հուլիսի 19-ը ԱՄՆ-ում, Մեքսիկայում ու Կանադայում։
