10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Արման Ծառուկյանը՝ Բայդուլաևի դեմ մենամարտում տհաճ միջադեպի մասին․ ՏԵՍԱՆՅՈՒԹ
18.12.2025 | 15:06
UFC-ի թեթև քաշային կարգի դասակարգման առաջատար Արման Ծառուկյանն անդրադարձել է ռուսաստանցի Մեհդի Բայդուլաևի հետ գրեփլինգի մենամարտում տեղի ունեցած տհաճ միջադեպին։ Մոսկվայում կայացած ACBJJ 20 մրցաշարի գլխավոր մենամարտում մարտիկները հարվածել էին իրար։ Հայ մարտիկը ստացել էր դեղին քարտ, ինչից հետո մենամարտը շարունակվել էր։ Գրեփլինգի կանոններով հարվածներ չեն թույլատրվում։
«Ամեն ինչ ընթանում էր ըստ ծրագրվածի մինչև այն պահը, երբ մենք սկսեցինք հարվածել իրար։ Մի քիչ տրվեցինք էմոցիաներին։ Իմ նպատակն էր վերցնել 1 միավոր, հոգնեցնել մրցակցին, հետո լավ դիրք ընտրել ու վերջում խեղդել նրան։
Ես կարծեցի, որ նա հարվածեց ինձ, քանի որ հարված զգացի, այդ պատճառով ինձ մոտ պատասխան ռեակցիա առաջացավ։ Եթե հարված չէր եղել, ես ներողություն եմ խնդրում միջադեպի համար»,- ասել է հայ մարտիկը։
Հիշեցնենք, որ մենամարտի ավարտից 12 վայրկյան առաջ Բայդուլաևը հանձնվել էր։ 29-ամյա Ծառուկյանը կիրառել էր խեղդող հնարք։ Դեկտեմբերի 30-ին Հայաստանի ներկայացուցիչը գրեփլինգի մենամարտ է անցկացնելու նաև Երևանում՝ մրցելով UFC-ի մարտիկ Շառա Բուլետի (Շարաբուտդին Մագոմեդով) հետ։
