10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Ձեր համար նորությո՞ւն ա, որ կաթողիկոսը ղեկավարվում ա դրսից, չե՞ք տեսել փաստեր․ Փաշինյան. ՏԵՍԱՆՅՈՒԹ
Քաղաքականություն
18.12.2025 | 14:26
«Փաստաթղթեր են հրապարակվել, որ Կտրիչ Ներսիսյանի եղբայրը ԿԳԲ-ի գործակալ է եղել Խորհրդային Միության ժամանակ։ Ասում եք՝ սկանդալ է պայթել, այդ սկանդալը ինչի՞ չի պայթում։ Ի վերջո, պարզե՞լ եք՝ դա ճիշտ է, թե՞ ճիշտ չէ»,- այս մասին Factor.am-ի հարցին՝ «ինչու վարչապետը հանցագործության մասին հաղորդում չի ներկայացնում, եթե վստահ է, թե Կաթողիկոսը ամենօրյա ռեժիմով պարբերաբար զեկուցում է օտար պետության հատուկ ծառայությանն» ի պատասխան հայտարարել է վարչապետ Նիկոլ Փաշինյանը։
«–Եվ հայտարարություններ են եղել, որ, այդ թվում՝ հրապարակային, հոգևոր ծառայողների կողմից, Գերմանիայում տեղի ունեցած միջադեպերի մասին։ Ես ասեմ, որ ես հետաքրքրվել եմ, մեր ծառայություններն էլ այդ նույն տեղեկությունը ունեն։
-ԱԱ՞Ծ-ն։
-Այո, ԱԱԾ-ն ունի էդ տեղեկությունը։
-Իսկ վարույթ ունե՞ն։
-Ինչի՞ վարույթը։ ԿԳԲ-ի գործակալ լինելու համա՞ր։ Վարույթ չենք կարող հարուցել, որովհետև իրենք եղել են Խորհրդային Միության քաղաքացի։ Հիմա արդյո՞ք օտարերկրյա հատուկ ծառայությունների հետ համագործակցություն կա։ Ուրեմն, ամեն ինչ չի, որ քրեական գործի ռեժիմով է աշխատում, որովհետև կա օպերատիվ աշխատանք, կա հակահետախուզական աշխատանք»։
Հիշեցնենք, որ Դատախազությունից Factor.am-ի հարցմանն ի պատասխան հայտնել են, որ հայտնի չէ որևէ քրեական վարույթ, որով Ամենայն Հայոց Կաթողիկոս Գարեգին Բ-ն որևէ դատավարական կարգավիճակ ունի։
