04.09.2026 | 23:57
Էդուարդ Սպերցյանի գոլն օգնեց «Ալ Ահլիին» վստահ հաղթանակ տանել. ՏԵՍԱՆՅՈՒԹ
Մանֆրեդ Վեբերը պատրաստվում է դադարեցնել Թուրքիա-ԵՄ անդամակցության բանակցությունները
Քաղաքականություն
05.11.2018 | 16:37
Եվրահանձնաժողովի նախագահի թեկնածու, գերմանացի Մանֆրեդ Վեբերը հայտարարել է, որ այդ պաշտոնում ընտրվելու դեպքում կդադարեցնի Թուրքիայի եվրաանդամակցության գործընթացը. փոխանցում է ermenihaber-ը:
Եվրոպական խորհրդարանի ամենամեծ քաղաքական խմբակցության՝ «Եվրոպայի ժողովրդական կուսակցության» (EVP) առաջնորդ Վեբերը գերմանական «Bild am Sonntag» թերթին տված հարցազրույցի ժամանակ ասել է․ «Որպես Եվրահանձնաժողովի հնարավոր ապագա նախագահ, ես ջանք կթափեի՝ Եվրամիությանը Թուրքիայի անդամակցության համար տարվող բանակցությունների գործընթացը դադարեցնելու համար»։
Վեբերը նշել է, որ կողմ է Թուրքիայի հետ սերտ համագործակցությանը, սակայն, նրա կարծիքով, ԵՄ-ն հստակ պետք է հայտարարի, որ Թուրքիան երբեք Եվրամիության լիիրավ անդամ չի կարող լինել։
Մանֆրեդ Վեբերը, ով 2014թ․-ից ղեկավարում է «Եվրոպայի ժողովրդական կուսակցությունը», նախկինում ևս բազմիցս դեմ է արտահայտվել Թուրքիայի եվրաանդամակցությանը։
