Քաղաքականություն
18.12.2025 | 13:02
Ռուսական զորքերը դեկտեմբերի լույս 18-ի գիշերը ԱԹՍ-ներով զանգվածային հարված են հասցրել Չերկասիին, որի հետևանքով 6 մարդ է վիրավորվել։ Այս մասին հայտնել է Չերկասիի տարածաշրջանային ռազմական վարչակազմի ղեկավար Իգոր Տաբուրեցը, գրում է Current time-ը։
Նրա խոսքով՝ ռուսական զինվորականները թիրախավորել են կարևորագույն ենթակառուցվածքները. քաղաքի մի մասը հոսանքազրկվել է, սակայն էներգետիկները շարունակում են աշխատանքը։
Բացի այդ, վնասվել է բնակելի ենթակառուցվածք, նախնական տվյալներով՝ առնվազն 15 մասնավոր տուն։ Մարզական համալիրում էլ պատուհաններ են կոտրվել, վնասվել են ավտոմեքենաներ։
Կրիվոյ Ռոգում ռուսական հարձակման հետևանքով վիրավորվել է 4 մարդ: Ուկրաինայի արտակարգ իրավիճակների պետական ծառայության տվյալներով՝ վնասվել են մասնավոր տներ, վարչական շենք և մշակութային հաստատություն, հրդեհվել են օժանդակ շինություններ:
Ռուսական ուժերը նաև հարձակվել են Օդեսայի մարզի վրա՝ օգտագործելով հարվածային անօդաչու թռչող սարքեր՝ ըստ մարզային վարչակազմի և դատախազության հաղորդագրությունների։
Դատախազության տվյալներով՝ վիրավորվել է չորս կին և չորս տղամարդ։
Ռուսական ուժերն Ուկրաինայի վրա հարձակվել են 82 անօդաչու թռչող սարքերով, որոնցից 63-ը «խոցվել կամ ճնշվել» են առավոտյան ժամը 8:30-ի դրությամբ, հայտնել են Ուկրաինայի ռազմաօդային ուժերը։
Թարգմանությունը՝ Էմմա Չոբանյանի
