16.11.2024 | 14:15
NYMEX. Թանկարժեք մետաղների գները նվազել են
Շատ լավ էլ պայմանավորվել են ԲՀԿ-ի, ՀՀԿ-ի և ՀՅԴ-ի հետ․ նրանք հնարավորություն են ունենում կրկին խորհրդարան ձևավորել․ Արամ Սարգսյան․ ՏԵՍԱՆՅՈՒԹ
Քաղաքականություն
05.11.2018 | 16:58
Այսօրվա իշխանությունները լուծում են սեփական խնդիրները, և դրա ապացույցն այն է, որ նրանք չկարողացան ապահովել մեկ ձայնի խնդիրը, մինչդեռ դա կարելի էր անել այն 18 «փախստականների» միջոցով, որոնք հեռացել էին ՀՀԿ-ից, մյուս կողմից՝ արտահերթ խորհրդարանական ընտրությունների դեկտեմբերին գնալով՝ նրանք պարզապես չուզեցին հակադրվել Վենետիկի հանձնաժողովին, քանի որ նրանք արդեն հայտարարել էին, որ ընտրությունից մեկ ամիս առաջ չի կարելի Ընտրական օրենք փոխել։
Այս մասին այսօր հրավիրված մամուլի ասուլիսի ժամանակ ասաց Հայաստանի Դեմոկրատական կուսակցության նախագահ Արամ Սարգսյանը։
«Նրանք հասկացան, որ շատ ավելի լավ հնարավորություններ է ստեղծվում երկիրը միանձնյա կառավարելու համար։ Ես տեսնում եմ նաև, որ շատ լավ էլ պայմանավորվել են խորհրդարանական ուժերի հետ, որ ԲՀԿ-ն, ՀՀԿ-ն, ՀՅԴ-ն նույնպես հնարավորություն են ունենում մասնակցելու և կրկին ձևավորելու այդ խորհրդարանը, և, սա, ի հակառակ նրան, թե ինչպես էին նրանք խոսում, որ ժողովրդավարությունից ելնելով պետք է փոխեն Ընտրական օրենսգիրքը կամ ձևավորեն այնպիսի խորհրդարան, որտեղ բազմակարծություն է լինելու»,- ասաց Արամ Սարգսյանը։
Քաղաքական գործիչը չբացառեց, որ իշխող ուժը կարող է օգտվել գործարարների մատուցած ծառայություններից՝ թեկուզև ստվերային տարբերակով։
Արամ Սարգսյանն անդրադարձավ նաև նոր իշխանության՝ նախկինում տված խոստումներն այդպես էլ չիրականացնելուն և շեշտեց՝ Նիկոլ Փաշինյանին, կարծես թե, դուր է գալիս Սերժ Սարգսյանի հագով կարված պիջակը։
«Տպավորություն եմ ստացել, որ Սերժ Սարգսյանի համար կարված քաղաքական բաճկոնը, շատ է դուր եկել նաև Նիկոլ Փաշինյանին»,- ասաց Սարգսյանը՝ ընդգծելով, որ վարչապետի պաշտոնակատարն այդպես էլ չհրաժարվեց սուպերվարչապետությունից, ոչ էլ Բաղրամյան 26-ը հանձնեց նախագահին։
Մանրամասները՝ տեսանյութում:
