29.06.2026 | 23:29
Ալեն Սիմոնյանը պարգևատրել է պետական պահպանության ծառայության աշխատողներին
Հունգարիայի առաջնության առաջատարը ցանկանում է ձեռք բերել Հայաստանի հավաքականի դարպասապահին
18.12.2025 | 10:05
Երևանի «Փյունիկի» և Հայաստանի ազգային հավաքականի դարպասապահ Հենրի Ավագյանի ծառայություններով հետաքրքրված է հունգարական «Դյորը»։
NB1.hu-ի համաձայն՝ Հունգարիայի ընթացիկ առաջնության առաջատարը լրջորեն է տրամադրված 29-ամյա դարպասապահի տրանսֆերն իրականացնելու հարցում։
Այս մրցաշրջանում Հենրի Ավագյանը խաղացել է «Դյորի» դեմ։ «Փյունիկն» ու հունգարական ակումբը մրցել են Կոնֆերենցիաների լիգայի որակավորման փուլում։
Հենրի Ավագյանն այս տարվա ամռանն է միացել «Փյունիկին», որի կազմում Հայաստանի ընթացիկ առաջնությունում անցկացրել է 13 հանդիպում, բաց թողել 9 գոլ ու 6 անգամ անառիկ պահել դարպասը։ Նախկինում դարպասապահը խաղացել է նաև «Արարատ-Արմենիայում», ԲԿՄԱ-ում, «Նորավանքում», «Վանում», «Ալաշկերտում», «Ուրարտուում» ու «Միկայում»։ Հայաստանի հավաքականի կազմում Ավագյանը նորամուտը նշել է 2018 թվականին, մասնակցել է 7 հանդիպման։
