09.06.2026 | 18:03
Կիպրոսի նախագահը շնորհավորել է Նիկոլ Փաշինյանին ընտրություններում հաղթանակի առիթով
Warner Bros.-ը մերժել է Paramount-ի 108 միլիարդ դոլարի առաջարկը
Քաղաքականություն
18.12.2025 | 11:25
Warner Bros. Discovery-ի տնօրենների խորհուրդը մերժել է Paramount Skydance-ի առաջարկը՝ 108.4 միլիարդ դոլարով ձեռք բերելու ընկերությունը, գրում է Meduza-ն։
Խորհուրդը կոչ է արել Warner Bros.-ի բաժնետերերին չընդունել Paramount-ի առաջարկը՝ վաճառել իրենց բաժնետոմսերը մեկ բաժնետոմսի համար 30 դոլարով և չհրաժարվել Netflix-ի հետ գործարքից։
Paramount-ի առաջարկը ուժի մեջ է մնում մինչև 2026 թվականի հունվարի 8-ը։
Խորհրդի նամակում նշվում է, որ Paramount-ը մշտապես մոլորեցրել է բաժնետերերին, և որ ընկերության առաջարկը ենթակա է բազմաթիվ և նշանակալի ռիսկերի։
«Մենք կարծում ենք, որ Netflix-ի հետ միաձուլումն ավելի շահավետ և անվտանգ ուղի է մեր բաժնետերերի համար», – ասվում է նամակում։
Paramount-ը մրցում է Netflix հոսքային ծառայության հետ Warner Bros.-ի ձեռքբերման համար։ Դեկտեմբերի 5-ին Netflix-ը հայտարարել էր, որ գնում է Warner Bros.-ը 82,7 միլիարդ դոլարով, չնայած գործարքը ենթակա է հակամենաշնորհային հաստատման։ Paramount-ի առաջարկն ավելին է՝ 108 միլիարդ դոլար՝ մեկ բաժնետոմսի համար 30 դոլար գնով։
Թարգմանությունը` Էմմա Չոբանյանի
