29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
Մարտունու մի գազալցակայանում հայտնաբերվել են թույլատրելի նորմը 8 և 10 անգամ գերազանցող շեղումներ
17.12.2025 | 16:42
Մրցակցության և սպառողների շահերի պաշտպանության հանձնաժողովից հայտնում են, որ ՄՍՇՊՀ-ն տուգանել է Մարտունի քաղաքի Կամոյի 13/1 հասցեում գործող գազալցակայանին՝ թերլիցքավորմամբ վաճառք իրականացնելու համար։
«Մրցակցության և սպառողների շահերի պաշտպանության հանձնաժողովը «Ավետ-Մհեր» սահմանափակ պատասխանատվությամբ ընկերության նկատմամբ նշանակել է 7 570 000 ՀՀ դրամի տուգանք ճնշասեղմված բնական այրվող գազի` թերլիցքավորմամբ վաճառք իրականացնելու համար։
Մասնավորապես, հարուցված վարույթի շրջանակում իրականացված ստուգումների արդյունքում «Ավետ-Մհեր» ընկերությանը պատկանող, Գեղարքունիքի մարզ, ք. Մարտունի, Կամոյի 13/1 հասցեում գործող գազալցակայանում հայտնաբերվել են թույլատրելի նորմը 8 և 10 անգամ գերազանցող շեղումներ։
Մասնավորապես գազալցակայանի 1-ին գազաբաշխիչ աշտարակի 1-ին խողովակի և 3-րդ գազաբաշխիչ աշտարակի 2-րդ խողովակի արտացոլած ցուցիչները կազմել են 3 կգ, մինչդեռ աշխատանքային չափանմուշի արտացոլած ցուցանիշները կազմել են համապատասխանաբար 2,75 կգ, փաստացի շեղումը՝ 0,25 կգ (8.33%), և 2,70 կգ, փաստացի շեղումը՝ 0,30 կգ (10%) այն դեպքում, երբ թույլատրելի շեղումը կազմում է 0,03 կգ (1%)»,- ասված է հաղորդագրությունում։
