10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
FIFA The Best. Մեսիի ընտրությունը, Ռոնալդուն դարձյալ չի քվեարկել
17.12.2025 | 13:25
Աշխարհի չեմպիոն Արգենտինայի հավաքականի ավագ, ամերիկյան «Ինտեր Մայամիի» հարձակվող Լիոնել Մեսին մասնակցել է Ֆուտբոլի միջազգային ֆեդերացիայի (ՖԻՖԱ) կողմից անցկացվող FIFA The Best ամենամյա մրցանակաբաշխության քվեարկությանը։
«Ոսկե գնդակի» 8-ակի դափնեկիրը տարվա լավագույն ֆուտբոլիստի քվեարկությունում առաջին տեղում նշել է Ուսման Դեմբելեին (ՊՍԺ, Ֆրանսիա), երկրորդում՝ Կիլիան Մբապեին («Ռեալ Մադրիդ», Ֆրանսիա), երրորդում՝ Լամին Յամալին («Բարսելոնա», Իսպանիա)։
Պորտուգալիայի հավաքականի ավագ Կրիշտիանու Ռոնալդուն այս տարի ևս չի մասնակցել քվեարկությանը։ Սաուդյան «Ալ Նասրի» 40-ամյա հարձակվողի փոխարեն Պորտուգալիայի հավաքականից քվեարկել է անգլիական «Մանչեսթեր Սիթիի» կիսապաշտպան Բերնարդու Սիլվան։ Սիլվան առաջին տեղը տվել է Պորտուգալիայի հավաքականում իր թիմակից Վիտինյային (ՊՍԺ), երկրորդը՝ Նունու Մենդեշին (ՊՍԺ, Պորտուգալիա), իսկ երրորդը՝ Ուսման Դեմբելեին։
FIFA The Best մրցանակաբաշխության հաղթողները հայտնի են դառնում ազգային հավաքականների գլխավոր մարզիչների ու ավագների և լրագրողների քվեարկության արդյունքում։
ՖԻՖԱ-ի վարկածով 2025թ․ լավագույն ֆուտբոլիստ էր ճանաչվել ՊՍԺ-ի և Ֆրանսիայի հավաքականի հարձակվող Ուսման Դեմբելեն, լավագույն մարզիչի մրցանակին արժանացել էր փարիզյան ակումբը գլխավորող Լուիս Էնրիկեն, իսկ լավագույն դարպասապահն անգլիական «Մանչեսթեր Սիթին» ու Իտալիայի հավաքականը ներկայացնող Ջանլուիջի Դոնարուման է, որը նախորդ մրցաշրջանն անցկացրել էր ՊՍԺ-ի կազմում։
