11.09.2026 | 12:51
Ռուսական զորքերը հարվածել են Կիևում ինը հարկանի շենքի․ ութ մարդ է տուժել
Մենք հաշվի ենք առնում ադրբեջանական և հայկական կողմերի շահերը. Կոբախիձե
Քաղաքականություն
17.12.2025 | 14:55
«Ես շատ բարեկամական հանդիպում ունեցա Ադրբեջանի վարչապետի հետ Թուրքմենստանում. ընդհանուր առմամբ, Ադրբեջանը մեր բացառիկ բարեկամն է, կառավարությունների միջև կան բացառիկ բարեկամական հարաբերություններ, ուստի՝ մենք դժվարություն չենք ունենա որևէ հարցի շուրջ ընդհանուր լեզու գտնելու հարցում»,- այս մասին ասել է Վրաստանի վարչապետ Իրակլի Կոբախիձեն վրացական Առաջին ալիքի եթերում։ Կոբախիձեի խոսքով՝ բանակցությունների թեման այն է, թե ինչպես է վերջնականապես տեղի ունենալու Ադրբեջանից Վրաստանի տարածքով տարանցումը։
«Մեզ համար ադրբեջանական կողմի շահերը բացարձակապես ընդունելի են, ինչպես նաև՝ հայկական կողմի շահերը։ Մենք ունենք մեր սեփական շահերը, և կարծում եմ, որ բանակցությունների հիման վրա մենք հեշտությամբ կգտնենք լավագույն ճանապարհը, որը կբավարարի բոլոր երեք երկրների շահերը», -ասել է նա։
Վրաստանի վարչապետը նաև պատասխանել է Հարավային գազային միջանցքի համաձայնագրի ժամկետի լրանալու վերաբերյալ հարցին և նշել, որ բոլոր հարցերի շուրջ բանակցություններ են ընթանում, Վրաստանն ունի բացառիկ բարեկամական հարաբերություններ Ադրբեջանի հետ, ինչը լավատեսության հիմք է տալիս, և վրացական կողմը հույս ունի, որ կհաջողվի հասնել երկու կողմերի համար էլ հետաքրքիր համաձայնագրի։
Ավելի վաղ հաղորդվել էր, որ Վրաստանը կթույլատրի Ադրբեջանից Հայաստան վառելիքի մեկանգամյա անվճար փոխադրումը։
Թարգմանությունը՝ Էմմա Չոբանյանի
