29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
Կրասնոդարի երկրամասում ուկրաինական ԱԹՍ-ների հարձակումից բնակելի տներ են վնասվել. ՏԵՍԱՆՅՈՒԹ
Քաղաքականություն
17.12.2025 | 12:12
Ռուսաստանի շրջանների վրա լույս դեկտեմբերի 17-ի գիշերը խոցվել է 94 ուկրաինական անօդաչու թռչող սարք, ասվում է ՌԴ պաշտպանության նախարարության հայտարարության մեջ։ Ամենաշատ անօդաչու թռչող սարքերը ոչնչացվել են Կրասնոդարի երկրամասի և Ռոստովի մարզերի վրա՝ համապատասխանաբար 31 և 22, գրում է Meduza-ն։
Կրասնոդարի երկրամասի օպերատիվ շտաբը հայտնել է, որ Սլավյանսկի շրջանում անօդաչու թռչող սարքի բեկորների ընկնելու պատճառով երկու մարդ վիրավորվել է, և առնվազն հինգ մասնավոր տուն է վնասվել։ Վիրավորները հոսպիտալացվել են։ Անօդաչու թռչող սարքի բեկորներ են հայտնաբերվել Կուբանի Սլավյանսկի մասնավոր բնակելի թաղամասերում և Պրիբրեժնի գյուղում։
Նաև նշվում է, որ անօդաչու թռչող սարքի բեկորներ են հայտնաբերվել Կրասնոարմեյսկի շրջանի ինը հասցեներում: Վնասվել են մասնավոր տներ, օժանդակ շինություն և պահեստ: Վիրավորներ չկան։
Այնուհետև օպերատիվ շտաբը հայտնել է, որ անօդաչու թռչող սարքերը վնասել են Սլավյանսկի շրջանում երկու բարձրավոլտ էլեկտրահաղորդման գծեր: 12,700 բնակիչներ մնում են առանց էլեկտրաէներգիայի:
Ուկրաինական Exilenova+ տելեգրամ ալիքը, հղում անելով տեղի բնակիչներին, հայտնել է դեկտեմբերի 17-ի գիշերը Սլավյանսկի նավթավերամշակման գործարանում հրդեհի մասին, սակայն այս տեղեկատվության հաստատում չկա։
Վորոնեժի մարզում տասը անօդաչու թռչող սարք է խոցվել՝ ըստ տարածաշրջանի ղեկավար Ալեքսանդր Գուսևի։ Նա ասել է, որ անօդաչու թռչող սարքի բեկորները հրդեհ են առաջացրել ենթակառուցվածքային օբյեկտի էլեկտրահաղորդման գծում։ Նա այլ մանրամասներ չի հայտնել։
Սարատովի բնակիչները նույնպես հայտնել են պայթյունների մասին։ Անօդաչու թռչող սարքի հարձակման հետևանքները դեռևս անհայտ են։
Թարգմանությունը՝ Էմմա Չոբանյանի
