28.04.2026 | 13:17
Ինդոնեզիայում գնացքի վթարի հետևանքով զոհվել է 14 մարդ, ավելի քան 80-ը՝ վիրավորվել
Հայաստանի Սահմանադրությունը պետք է համապատասխանեցվի նախաստորագրված խաղաղության համաձայնագրին. Ալիևի ներկայացուցիչ
Քաղաքականություն
16.12.2025 | 19:13
2025 թվականը պատմականորեն նշանակալի դարձավ ոչ միայն Ադրբեջանի և Հայաստանի, այլև ամբողջ Հարավային Կովկասի համար։
Ադրբեջանական լրատվամիջոցների հաղորդմամբ`այս մասին The Holland Times-ին տված հարցազրույցում հայտարարել է Ադրբեջանի նախագահ Իլհամ Ալիևի հատուկ հանձնարարությունների գծով հատուկ ներկայացուցիչ Էլչին Ամիրբեկովը։
«Մեր երկրները օգոստոսին նախաստորագրեցին խաղաղության համաձայնագրի նախագիծը։ Մենք հույս ունենք, որ այն կարող է ստորագրվել հաջորդ տարի։ Երկու շաբաթ առաջ ԵԱՀԿ-ն ավարտեց Մինսկի խմբի և դրա հետ կապված կառույցների լուծարման գործընթացը։ Մինսկի խումբը 2020 թվականից ի վեր անգործունակ մարմին է։ Մեր նպատակն է ապահովել մեր երկրների միջև կայուն խաղաղություն։ Դրան հասնելու համար Հայաստանի Սահմանադրությունը պետք է համապատասխանեցվի նախաստորագրված խաղաղության համաձայնագրին։ Դրանից հետո համաձայնագիրը կարող է ստորագրվել և վավերացվել երկու կողմերի կողմից»,- նշել է Ամիրբեկովը։
Խոսելով Բաքվի՝ ԵՄ-ի և ՆԱՏՕ-ի հետ համագործակցության մասին՝ Ամիրբեկովը նշել է, որ ներկայումս բարենպաստ պայմաններ և նոր հնարավորություններ կան՝ ինչպես Եվրամիության, այնպես էլ Հյուսիսատլանտյան դաշինքի հետ գործընկերության և ռազմավարական փոխգործակցության հետագա ընդլայնման և խորացման համար։
Թարգմանությունը` Էմմա Չոբանյանի
