06.04.2026 | 13:03
Հայտնի են ըմբշամարտի Հայաստանի հավաքականների կազմերը ԵԱ-ում
«Սա գրաքննություն չէ, այլ պետական պատվեր». Ժաննա Անդրեասյանը՝ «կոմկուսի շունչ» զգացողներին
Հասարակություն
16.12.2025 | 18:05
«Բնականաբար չի կարող լինել գրաքննություն։ …Ինչ վերաբերում է պետական առաջնահերթությունների սահմանմանը, դրանք միշտ են տեղի ունեցել։ Օրինակ, երբ որ մենք ասում ենք, որ պետք է առավելապես շեշտադրումը դնենք մարզերում մշակութային ծրագրերի վրա, մենք սահմանափակո՞ւմ ենք Երևանում ստեղծագործելու ցանկություն ունեցող արվեստագետներին», – Factor TV-ի հետ զրույցում ասել է ԿԳՄՍ նախարար Ժաննա Անդրեասյանը՝ պատասխանելով քննադատությանը, թե մշակութային ոլորտում պետական քաղաքականությունը հիշեցնում է խորհրդային գաղափարախոսական պարտադրանք։
Նախարարը պարզաբանել է, որ պետությունն իրավունք ունի սահմանել ֆինանսավորման առաջնահերթություններ (օրինակ՝ մարզային ակտիվություն կամ խաղաղության օրակարգ), ինչը չի նշանակում արգելել այլ բովանդակությամբ ստեղծագործությունները, այլ պարզապես ենթադրում է, որ հարկատուների գումարները կուղղվեն պետության համար ռազմավարական նշանակություն ունեցող ուղղություններին։
Հարցազրույցն ամբողջությամբ կարող եք դիտել 19։00-ին Factor TV-ի յութուբյան ալիքում։
