16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
ՖԻՖԱ․ Դոնարուման՝ տարվա լավագույն դարպասապահ
16.12.2025 | 16:37
Անգլիական «Մանչեսթեր Սիթիի» ու Իտալիայի հավաքականի դարպասապահ Ջանլուիջի Դոնարուման ՖԻՖԱ-ի վարկածով ճանաչվել է 2025 թվականի լավագույն դարպասապահ, հաղորդում է «Մանչեսթեր Սիթիի» մամուլի ծառայությունը։
26-ամյա իտալացին մրցանակը կստանա FIFA The Best մրցանակաբաշխության ընթացքում։
Այս տարի Ջանլուիջի Դոնարուման լավագույն դարպասապահ էր ճանաչվել նաև «Ոսկե գնդակի» մրցանակաբաշխության ժամանակ։
Դոնարուման նախորդ մրցաշրջանն անցկացրել էր ՊՍԺ-ում, որի կազմում դարձել էր Ֆրանսիայի չեմպիոն, գավաթակիր, սուպերգավաթակիր ու Չեմպիոնների լիգայի հաղթող, իսկ ամռանը միացել էր «Մանչեսթեր Սիթիին»։
Տարվա լավագույն դարպասապահի մրցանակին հավակնում էին նաև Ալիսոն Բեքերը («Լիվերպուլ», Բրազիլիա), Տիբո Կուրտուան («Ռեալ Մադրիդ», Բելգիա), Էմիլիանո Մարտինեսը («Ասթոն Վիլա», Արգենտինա), Մանուել Նոյերը («Բավարիա», Գերմանիա), Դավիդ Ռայան («Արսենալ», Իսպանիա), Յան Զոմերը («Ինտեր», Շվեյցարիա) և Վոյցեխ Շչեսնին («Բարսելոնա», Լեհաստան)։
FIFA The Best մրցանակաբաշխությունը կկայանա դեկտեմբերի 16-ին Կատարի մայրաքաղաք Դոհայում ու կմեկնարկի Երևանի ժամանակով 21։00-ին: Հայտնի կդառնան տարվա լավագույն ֆուտբոլիստը, մարզիչը և այլ անվանակարգերում հաղթողները։
