29.06.2026 | 23:29
Ալեն Սիմոնյանը պարգևատրել է պետական պահպանության ծառայության աշխատողներին
Արման Ծառուկյանի մրցակիցը փոխվել է
16.12.2025 | 13:33
UFC-ի թեթև քաշային կարգի դասակարգման առաջատար Արման Ծառուկյանի մրցակիցը փոխվել է դեկտեմբերի 17-ին Մոսկվայի «Դինամո» արենայում կայանալիք ACBJJ 20 մրցաշարում։
Հայ մարտիկը պետք է մրցեր թեթև քաշային կարգում ACA-ի գործող չեմպիոն, ռուսաստանցի Աբդուլ-Ազիզ Աբդուլվախաբովի հետ, որը հրաժարվել է մենամարտից։ Պատճառը չի նշվում, հաղորդում է մրցաշարի մամուլի ծառայությունը։
Ծառուկյանն ուժերը կչափի ACA-ի թեթև քաշային կարգի նախկին չեմպիոն Մեհդի Բայդուլաևի հետ, որը խառը մենամարտերում ունի 19 հաղթանակ ու 2 պարտություն: Մարտիկները կմրցեն գրեփլինգի կանոններով (No-Gi):
Հիշեցնենք, որ դեկտեմբերի 30-ին Արման Ծառուկյանը գրեփլինգի մենամարտ է անցկացնելու նաև Երևանում՝ մրցելով UFC-ի մարտիկ Շառա Բուլետի (Շարաբուտդին Մագոմեդով) հետ։ 29-ամյա հայ մարտիկը խառը մենամարտերում անցկացրել է 26 հանդիպում, տարել 23 հաղթանակ ու կրել 3 պարտություն։
