18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Ռոբերտ Արզումանյանը` ժյուրիի կազմում․ The Guardian-ն ընտրում է տարվա լավագույն ֆուտբոլիստներին
16.12.2025 | 15:52
Հայաստանի ազգային հավաքականի նախկին պաշտպան, Երևանի «Ուրարտուի» գլխավոր մարզիչ Ռոբերտ Արզումանյանն ընդգրկվել է բրիտանական The Guardian հեղինակավոր պարբերականի կողմից անցկացվող տարվա 100 լավագույն ֆուտբոլիստների ընտրության ժյուրիի կազմում։ Քվեարկությանը մասնակցում են համաշխարհային ֆուտբոլի լեգենդներ, անվանի ֆուտբոլիստներ, մարզիչներ ու լրագրողներ։ Ժյուրին բաղկացած է 219 անդամից։
«Մեծ պատիվ էր որպես փորձագետ մասնակցել աշխարհի 100 լավագույն ֆուտբոլիստների ընտրությանը, որը կազմակերպել է հեղինակավոր բրիտանական The Guardian թերթը։ The Guardian-ի կողմից կազմվող «Աշխարհի լավագույն 100 ֆուտբոլիստները» ամենամյա վարկանիշն է, որը ներկայացնում է աշխարհի լավագույն ֆուտբոլիստներին»,- սոցցանցերում գրել է Ռոբերտ Արզումանյանը։
The Guardian-ի քվեարկությունում յուրաքանչյուր փորձագետ ընտրում է 40 լավագույն ֆուտբոլիստի։ Թոփ-100 խաղացողների ցանկը կհրապարակվի փուլ առ փուլ՝ սկսած դեկտեմբերի 16-ից։
