ԵՄ-ն պատժամիջոցներ է կիրառել ադրբեջանցի գործարարների նկատմամբ՝ ռուսական նավթի առևտրի համար

Եվրամիությունը պատժամիջոցներ է կիրառել երկու ադրբեջանցի գործարարների նկատմամբ՝ ռուսական նավթի առևտրի համար։ ԵՄ պաշտոնական ամսագրում դեկտեմբերի 15-ին հրապարակված տվյալների համաձայն`պատժամիջոցների ցանկում են ընդգրկվել Էթիբար Էյուբը և Թալեաթ Սաֆարովը, գրում է The Insider- ը։

Էթիբար Էյուբը հիմնադրել և կառավարում է ընկերությունների ցանց, այդ թվում՝ Coral Energy-ն (հետագայում վերանվանվել է 2Rivers Group), որի գլխավոր գրասենյակը գտնվում է ԱՄԷ-ում։ Այս ցանցի միջոցով գործարարը նպաստում է ռուսական նավթի, մասնավորապես՝ «Ռոսնեֆտ»-ի արտադրանքի մատակարարմանը և արտահանմանը՝ թաքցնելով դրանց իրական ծագումը։

Օրինակ՝ 2Rivers-ը վերահսկում և շահագործում է Ռուսաստանի «ստվերային նավատորմի» նավերի զգալի մասը, ըստ ԵՄ փաստաթղթերի։

Թալաթ Սաֆարովը 2Rivers-ի գործադիր տնօրենն ու բաժնետերն է։ 2024 թվականից ի վեր ընկերության բաժնետոմսերը պատկանում են երեք բարձրաստիճան մենեջերների՝ Թալաթ Սաֆարովին, Ախմեդ Քերիմովին և Անար Մադաթլիին։ Վերջինս նույնպես դեկտեմբերի 15-ի որոշմամբ ընդգրկվել է ԵՄ պատժամիջոցների ցանկում։

Ընդհանուր առմամբ, նոր պատժամիջոցների են ենթարկվել հինգ անհատ և չորս կազմակերպություն։

Սահմանափակող միջոցներ են կիրառվել, օրինակ, նավթային առևտրով զբաղվող Mercantile & Maritime (M&M) ընկերության հիմնադիր, Պակիստանի և Կանադայի քաղաքացի Մուրթազա Լախանիի նկատմամբ։ ԵՄ տվյալներով՝ նա իր ընկերությունների միջոցով նպաստում է ռուսական նավթի մատակարարմանը և արտահանմանը, մասնավորապես՝ «Ռոսնեֆտ»-ից։

Թարգմանությունը`Էմմա Չոբանյանի