10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
UFC-ի չեմպիոն Իլյա Տոպուրիան ժամանակավորապես հրաժարվել է տիտղոսի պաշտպանությունից
15.12.2025 | 18:14
UFC-ի թեթև քաշային կարգի գործող չեմպիոն Իլյա Տոպուրիան կարևոր հայտարարություն է արել իր ապագայի վերաբերյալ։ Վերջերս 28-ամյա մարտիկը հայտարարել էր, որ որ մինչև գարուն չի մենամարտելու ընտանեկան խնդիրների պատճառով։
«Ես ընդունել եմ բարդ որոշում՝ ժամանակավորապես հրաժարվել տիտղոսի պաշտպանությունից։ Դա հեշտ չէ, սակայն ստեղծված հանգամանքները սպառնում են իմ հեղինակությանը և ընտանիքին։ Վերջին ամիսներին ես ենթարկվել եմ լուրջ ճնշման, հորինված մեղադրանքների և շանտաժի սպառնալիքների։ Իմ հասցեին ցանկացած մեղադրանք զուրկ է իրական հիմքից։ Արդարությունն ապացույցների հարց է։ Անհրաժեշտ բոլոր փաստաթղթերն արդեն փոխանցվել են համապատասխան մարմիններին, ուստի մեղավորները կենթարկվեն պատասխանատվության ապացույցների կեղծման, ինչպես նաև միջոցների և գույքի յուրացման համար։
Ես այս մասին խոսում եմ՝ ցույց տալու համար, որ ոչ ոք չպետք է ենթարկվի մանիպուլյացիաների կամ ահաբեկման։ Ես հավատում եմ, որ իմ անունը կմաքրվի իրավաբանների աշխատանքի շնորհիվ, իսկ բոլոր մեղադրանքները կհերքվեն դատական համակարգի միջոցով»,- նշված է հայտարարությունում։
Իլյա Տոպուրիան խառը մենամարտերում անցկացրել է 17 հանդիպում ու տարել նույքան հաղթանակ։
UFC-ի թեթև քաշային կարգի դասակարգման առաջատարն Արման Ծառուկյանն է, որը նախորդ մենամարտն անցկացրել է նոյեմբերի 22-ին՝ խեղդող հնարքով հաղթելով նորզելանդացի Դեն Հուկերին։ Հունվարի 25-ին UFC-ի թեթև քաշային կարգի ժամանակավոր չեմպիոնի տիտղոսի համար մենամարտելու են ամերիկացի Ջասթին Գեյջին ու բրիտանացի Փեդի Փիմբլեթը։
