12.01.2026 | 01:05
«Բարսելոնան» հաղթեց «Ռեալին» ու դարձավ Իսպանիայի սուպերգավաթակիր․ ՏԵՍԱՆՅՈՒԹ
ՌԴ ԿԲ-ն բելգիական Euroclear դեպոզիտարիայում իր ակտիվների սառեցման վնասը գնահատել է 18,17 տրիլիոն ռուբլի
Քաղաքականություն
15.12.2025 | 16:54
Ռուսաստանի Կենտրոնական բանկը Մոսկվայի Արբիտրաժային դատարան է ներկայացրել դատական հայց բելգիական Euroclear դեպոզիտարիայի դեմ՝ պահանջելով 18,17 տրիլիոն ռուբլի (մոտավորապես 195,6 միլիարդ եվրո): Կենտրոնական բանկը նախկինում հայտարարել էր, որ կպահանջի Euroclear-ի «անօրինական գործողությունների» համար փոխհատուցում: Սա վերաբերում է Եվրոպայի կողմից ռուսական ակտիվների արգելափակմանը, որոնց մեծ մասը պահվում է բելգիական դեպոզիտարիայում, գրում է The Insider-ը:
Տնտեսական հարցերով եվրահանձնակատար Վալդիս Դոմբրովսկիսն ի պատասխան նշել է, որ դեպոզիտարիան կկարողանա փոխհատուցել Ռուսաստանում իր ցանկացած ակտիվի առգրավումը իր հաշիվներում պահվող ռուսական արժեթղթերի միջոցով։
Դեկտեմբերի 12-ին ԵՄ կառավարությունները համաձայնել էին անորոշ ժամանակով սառեցնել Ռուսաստանի պետական ակտիվները՝ 210 միլիարդ եվրո արժողությամբ։ Նախկինում սառեցումը պետք է երկարաձգվեր յուրաքանչյուր վեց ամիսը մեկ։ Այժմ այլևս դա անհրաժեշտ չի լինի։
Անորոշ ժամանակով սառեցումը նախատեսված է աջակցելու ԵՄ-ի ծրագրին՝ օգտագործելու այդ ակտիվները՝ Ուկրաինային մինչև 165 միլիարդ եվրո վարկ տրամադրելու համար, որը նախատեսված է օգտագործելու Կիևի ռազմական և քաղաքացիական ծախսերի համար 2026-2027 թվականներին։ Բրյուսելում ռուսական արժեթղթերի մեծ մասի կենտրոնացման պատճառով երկիրը դարձել է այս հարցի շուրջ քննարկումների հիմնական գործող անձը։
Թարգմանությունը՝ Էմմա Չոբանյանի
