30.10.2026 | 22:47
ՔՊ-ն Աշտարակում առաջադրում է գործող համայնքապետ Թովմաս Շահվերդյանին
ՖԻՖԱ․ Ֆուտզալի Հայաստանի հավաքականը նահանջել է դասակարգման աղյուսակում
15.12.2025 | 12:31
ՖԻՖԱ-ն հրապարակել է ֆուտզալի ազգային հավաքականների դասակարգման թարմացված աղյուսակը։
Հայաստանի հավաքականը նահանջել է 3 աստիճան և զբաղեցնում է 26-րդ տեղը։ Առաջատարը Բրազիլիայի հավաքականն է, որին հաջորդում են Պորտուգալիան ու Իսպանիան։
Եվրո-2026-ի եզրափակիչ փուլում Հայաստանի հավաքականի մրցակիցներից Ուկրաինան 8-րդն է, Չեխիան՝ 17-րդը, իսկ Լիտվան՝ 77-րդը։
Ռուբեն Նազարեթյանի գլխավորած թիմն այս ամիս ընկերական մրցաշարի է մասնակցելու Երևանում։ Մրցակիցները լինելու են Վրաստանի, Մոլդովայի և Ղրղզստանի հավաքականները։ Դեկտեմբերի 21-ին Հայաստանի հավաքականը կխաղա Մոլդովայի հետ, դեկտեմբերի 22-ին՝ Ղրղզստանի, իսկ դեկտեմբերի 24-ին՝ Վրաստանի։
Ֆուտզալի Հայաստանի հավաքականը շարունակում է պատրաստվել 2026թ․ Եվրոպայի առաջնության եզրափակիչ փուլին, որը կկայանա հունվարի 21-ից փետրվարի 7-ը Լատվիայում, Լիտվիայում և Սլովենիայում։ Խմբային փուլում հայ ֆուտզալիստների մրցակիցները կլինեն Ուկրաինան (hունվարի 22), Չեխիան (hունվարի 25) և Լիտվան (hունվարի 28)։
Լուսանկարը՝ ՀՖՖ-ի։
